مرغوبة العاشق

مرغوبة العاشق

مرغوبة العاشق .. وغايـات المنـال
ودواء الجروح اللي تعسـر طبهـا !!

غيدا " بتول تحترف فـن الـدلال !!
ودك تقهوهـا .. قبـل لا تصبهـا !!

( في ابهتها طلعـة مضـاوي هـلال
احبهـا .. وآتوقهـا .. وآحبـهـا )

مخلوقة من زبد .. لو تلمسـه سـال
ونعومة حكاها .. كذا مـن ربهـا !!

وبنت الرجـال اللـي نسبهـا آل آل
قوم تنـوش المرجلـه .. وتذبهـا !!

واللي لا هب فوجهها ريـح الشمـال
قمت استشك !! ان الجنوب تهبهـا !!

الخصـر يرسـم انحـدرات التـلال
وردوفها .. من ثقلها تلعـب بهـا !!

يفوح منها المسـك والخمـر الحـلال
كنه علـى ذيـك الشفـاه يعبهـااا !!

وخدودها ورد شـذى عطـره خيـال
خلا ( فراشات الـورود ) تربهـاا !!

ولا قالت من الشوق يا عمري تعـال
شليت ذا الغتره وقمت اضـرب بهـا

فديتها اللي لا اوقفت مـن الاختيـال
تستنقص اللي يـوم تاقـف جنبهـا !!

أشوف فيها .. انها لي ( راس مـال )
وتشوف فيني .. ( فارس " مغرم بها )

مياسة القد !! وضفايرهـا طـوال !!
هي معجبه فيني وانـا معجـب بهـا

تشيخ فالخفرات وآشيـخ الرجـال !!
وتشب فينـي الشـوق وآنـا اشبهـا

احبهـا ولغيرهـا .. مابـه مجـال !
وجميع مابي من ( غلا ) فـي لبهـا

مهـوب لازم انهـا .. ملكـة جمـال
أهـم شـي : ( تحبنـي وآحبهـا )!!

مما راق لي

المصدر: الملتقى الجماهيري للشاعر محمد بن فطيس المري

تسلمي وعوده
اختيآار رائع الله يحفظك
يآرب

الله يسلمك منوره

قصيده رائعه
تقيمي

سح لسان قايلها وناقلها ..
الله يعافيك ..

يعطيكم العاافيه منورين

لـ جل الوعـد

سلمتي لنا وسلمت اناملكـ الذهبيه

على هذهـ القصيده المميزهـ والرائعه

واصلي ابداعاتكـ

أهـم شـي : ( تحبنـي وآحبهـا )!!

هالله هالله

لاهنتي على النقل المميز

~..~
إبدآع فآق الوصف ..! ذآئقــة عذبـة وريششة فآتنــة ..
.. إختيآر مرهف لآعدمنـآ عطـآئك ودي لقلبك..

انتظرو هذا المبدع يوم الجمعه القادم على قناة الصحراء .............
-
-
قصيدة فااااخرهـ ...
-
تسلمين ي الغاليه ...