قصيدة مجالس الرجال

قصيدة مجالس الرجال

قصيدة مجالس الرجال

وصف القصــيدة /

قصيدة تحكي بعض آداب مجالس الرجال وصفات أهلها ، والطرق الناجعة لمعالجة بعض المخالفات المشينة ، والآخلاق الرديئة، نقلتها لكم واشكر شاعرها على الكلام الجزل لظروف ولايحضرني قائل القصيده أتنى ان تحوز على رضاكم

لـيـلـة الـبــارح خـفــوقـي شـب نـاره *** والـهــب الـنــيـران فـي صــدري أنـيـن

والـعيـون الســاهـرة تـقـدح شـــراره *** والـحـنـايـــا جـمـــرهـا عـلـمـــاً دفــيـن

كــم صبرت وكــم تجرعـت المرارة *** وش يســكتنـي عـلـى جـور الســـنــيــن

والـقـدر عـلـمـنـي أنـــواع اخـتـيـاره *** يـوم أنـا الـطـاعـن ويوم أرجـع طـعـيـن

الكــريـــم اللــي تـحثـلـهـــا اقـتــداره *** فــاض كــيـلــه بـعــد شــــر المعتـديــن

بكـتب الأشـــعـار حـكمـة فـي منـارة *** مثـل نجــم ســهـيـل يـرعـى المـهتـديـن

فـي قـصـيـد تـيـوب تلقى لي عـبـارة *** سـلَّـت الـقــلـب الـحـــزيـن ويـسـتـبــيـن

نـظـمـهــا سـتـيـن بـيـتـاً في عصـارة *** لـلـتـجــارب والــفـــكـر فـيـهـا سـجـيـن

مــن يـقــول تـحــق للـدمـنـة زيــارة *** لا تـجـيـهــا لــو غـطـاهــا اليــاســمـيـن

إن ســــلمـت آقـلـهـــا ريــح الـقـذارة *** يــا صـليـب الــراس راســك لا يــلـيــن

والـحســد مـالـه دوى غيـر الحـقـارة *** أحـقــــره لا كـــنـت رجــــالا فــطــيــن

قــالــوا الأحــرار تـكـفيـهــم إشـــارة *** وإقـطــع الـتـفـكـيــر فـيـهـم والـحـنـيــن

مجـلــس فـيـه الـمشــاكــل والـبـثـارة *** خــالـي مــن العلــم والــرآي الــوزيــن

والـمـعـــارف قـلـبــوهــا بـالـهـــذارة *** والـحـصـان الـحـر يـســبـقـه الـهـجـيـن

الــولـــد ثـرثــار واعــمـتــه الإثــارة *** يـحســب أن الـمجـد هـرجـه والـرطيـن

مــا حســب للعــاقـبـة ربـح وخسـارة *** قــام غـطـى ضـعـف نـفســه لا يـبـيــن

أرخـص النفــس العزيـزة في تجـارة *** خــاســـــرة وده يـقـــال إنــــه رزيــــن

والحصـون الشــامخـة تُبْنـى حجـارة *** مــا خـبــرت التـبـن يـبـنـيـهـــا وطـيــن

كــل مجـلــس لــه دليـل ولــه إنـــارة *** الســــوالــف والشــعــر لـلــعــــارفـيـن

مـن يجي عند الحنـش وسـط الخبارة *** ينشـد الحكــمــة يــجـــاوبــه الــكــمـيـن

مــاخبـرت الطلـح يخرج فـي ثمــاره *** تـمــــر ولا مـــــرة نــجـنـيــــه تـيــــن

مجلـس يُســقي النميمـة فـي غضـارة *** فــي الـتـنـابــز والتـهـكـــم غــارقـيـــن

لــو تشــب الحـرب مـافيهـم جســارة *** شـــفتهـم تحــت القـنــا مســتســلـمـيــن

مـاتـشــد بـهـم حـزامـك عـنـد غــارة *** كــيـف أجـامــل فـكــر نـاس تـافـهــيـن

لـعــن أبـو رجـال مـا يـامـنـه جـــاره *** مـا حـكـم بـيـتـه عـــيــالــه ضـايـعــيـن

لـو يـشـوف الـضـيـف مقبل يــم داره *** يـظــلـم الــوجــه الـكــسـيـف ولـه ونين

مـن يـجــامـل ظـالـمٍ يـانـاس عــــاره *** كـــدَّر الـحـــر الـشـجــاع ولـه يـهــيـن

مـن دمــره الـدهــر واصناف العيارة *** مــا يـجـــيـبـه غــيـر تـلــه بـالـجــبـيـن

فـي الـحـمـيـة مـن يـبـيـعـك باختياره *** أتــركــه لــو هــو نـيـاطــك والـوتــيـن

مـالـهـمـت الـســبـع يتلهمى صغــاره *** ذا وهـــــو حـــيــوان لـلـمــــتـأمـلــيـن

تـلـهـم خــلــفــه وهـو راس المغــارة *** مـن يـقــرب مـن حـــدوده والـعـــريـن

مـن يـمــيـنـه لا تـجـيـه ولا يـســـاره *** حــولــه أخــوانـه وربـعـــه مـحـتـبـيـن

مـانـســيـت ولـو تـقــبَّـلـت إعــتـذاره *** مـــن يـبـيــع ويـشـــتـري فــي آمـنـيـن

قـلــب حــاقـد آه يـافــكـر الـغـجــارة *** كــيــف أدور فــيـك مـكــيــال ثـمـــيـن

آه يـالـيــل الـشــــقـى والإســــتـثـارة *** الـحـــيــا يـمـنـعــنـي الـهــرج الـمـشين

والـكــرامـة راس مـالـي والـجــدارة *** والـعـصـــامـيـة وربــي لــي مـعــــيـن

لـو بنيت الـحـصـن واشـقاني عماره *** أنـســــفـه لا شـــفــت راس يـســتـهـيـن

كــبـروا راســك عــدانا بـاسـتشــارة *** وانـفـخــوا قــربـة وهــم مـتـضـاحكـين

مـثـل قـرن الـثـور لا ثــور غــبــاره *** طـــار بـالـعــجــة وحــنـا مـســتـحــين

تـلـبـس الـجـبـة وأنـا أدري مستعـارة *** نـاصـحـيـك الـيــوم نـاس مـنــافــقــيـن

بـعــد لـيــل الـبـارحـة جـتني بشــارة *** مـا أبــيــت أبـــداً ولا لـيــلـة حـــزيــن

يـوم أشـوف إنـسـان ما يمـلك قـراره *** رآيــه أمـســى لـلـحــلـيـلـة والـقـــريـن

أقـفــل أبـوابـي على أرضه والسفارة *** وأحـمـد الـلـه مـانـي مـن الـشــامـتـيـن

وأنـت يـاطـالـب على ربعـك صدارة *** صـرت مثل الخـورمة فـوق الـجـريـن

مـاتـسـيـدنـا بـرخــصـة واســتـمـارة *** والـمـشـــالـح لــبـس لـلـمـتـهــنـدمــيـن

وإلا أبـو زيـد الـهــلالي فــيـه أمـارة *** نـعــرفــه بـالـــزول والـجـــرة يـقــيـن

الـســيـادة لـلـفـحــول أهـل الـغـزارة *** لـلـفــكــر والـعـــلـم والــرآي الـذهـيـن

أرتـدى بـالـجــود والـنـخـــوة وزارة *** وش يـفــك الـضــيـف لا رحــب يمـين

مـاثـنـاه الــدهـــر لـو زاد الـعـســارة *** لـلـقــــرى دايــــن ومــــرة يـســتـديـن

يـبـهـرك لـفـظـه ولـحـظـه وابتكــاره *** لــيـِّن الـجـــانــب ومـتـواضـــع أمـيـن

لـه عـن أبـواب الكذب درب استدارة *** مـاعــجـــز بـالـتـوريـة مـن فـيــه ديـن

يـنـصـر الـمـظـلـوم مـيـزان اعتبـاره *** والـصـلـيـب من الحصى يغـدي عجين

يـدمــح الــزلـة لـيــا فـضـــوا زراره *** ربـعــه أو جـــاهــل يـشــده بـالـيـمـيـن

لــو طـلـبـه الـلي معـاديـة اسـتـجـارة *** بــشــــره بـالــــدم دونــك يـالـــزبــيـن

ذي عـلامات الشـيوخ أهـل الـوزارة *** بـعـضهـا فـطـرة ويـكـسـبهـا الـمـكـيـن

لا تعيب الـشـمـس بإحساس الحرارة *** مـا بـتـحـجـبـهـا وتـبــقــى مـسـتـعــيـن

لـو تـغـيـب الــبـرد ما يـنـفـع دثــاره *** مـن يـقـاربهـا انـحــرق وامسى غـبـيـن

والـبـحـر لـو هـاج من يجحد قـراره *** الـجــواهــر فـيـه والـصــيـد الـسـمــيـن

والـغــريـق أنهـاه مـن يـاخـذ بـثـاره *** الـبـشـــر والـجـــن دونـــه عـاجــــزيـن

وأنـت يـالـيـل الشـقـى يكفي غــدارة *** واحـفــظ الأقــدار لـلـسـيـف الـســـنـيـن

المصدر: الملتقى الجماهيري للشاعر محمد بن فطيس المري

يـدمــح الــزلـة لـيــا فـضـــوا زراره *** ربـعــه أو جـــاهــل يـشــده بـالـيـمـيـن


لــو طـلـبـه الـلي معـاديـة اسـتـجـارة *** بــشــــره بـالــــدم دونــك يـالـــزبــيـن


ذي عـلامات الشـيوخ أهـل الـوزارة *** بـعـضهـا فـطـرة ويـكـسـبهـا الـمـكـيـن


لا تعيب الـشـمـس بإحساس الحرارة *** مـا بـتـحـجـبـهـا وتـبــقــى مـسـتـعــيـن


الله الله صـح لسسان الشاعر ولاهان الناااقل

ماجد حيااك الله ,,

بيض الله وجهك وبيض الله وجه قائلها وصح لسانه ولاهان بغيابه وصح قلبك وكلك ولاهنت على هالنقل الجزل يالجزل ,,

ان دل يدل على حرصك للمرجله والشهامه كلها وفكرك الجزل وذوقك الراقي ,,

اكبر شرف ان اكون من
ثاني سجل مروره في متصفحك ياغالي ,,

شكري وتقديري ووافر احتراامي لطررحك الجزل .

ذوق مآاجد
واختيآارك رآائع
الله يحفظك يآارب

قصيده طيبه من وجه طيب

صح نقلك الرااااااااااائع الهاااااف


ولا هنت وتسلم

ماجد الشيباني
أتحفتنا بهذه الشامخة في معانيها الجزله ومبادئها وقيمها
لا حرمنا هالفكر النيير
سلمت وتسلم يمينك
تقبل مروري المتواضع

والـكــرامـة راس مـالـي والـجــدارة *** والـعـصـــامـيـة وربــي لــي مـعــــيـن

لـو بنيت الـحـصـن واشـقاني عماره *** أنـســــفـه لا شـــفــت راس يـســتـهـيـن

لاهنت وبيض الله وجهك على النص الفاخر

ذوووق رفيع اشكرك
على هذه الجزله الرائعه
صح السان قايلها
قصيده وافيه

ماجد الشيباني
لاهنت خيي وتقديري لشخصك علي هل قصيد الجزل
من شاعر لاينتقي الاالروعه ليكون الابداع عنوان له
سرني ويشرفني مروري هنا من متصفحك الجميل
بوردك القصيده مميزه بحبكه شاعر مبدع

قصيده رائعه جداً

صح لسان الشاعر

وتسلم يمينك يابن مشيب

أنتم اهل المجالس وشبة النار يالاد شيبان