جديدي .. بعنوان مطول الغيبه ..

جديدي .. بعنوان مطول الغيبه ..

بسم الله الرحمن الرحيم ..


حبيت ان اقدم لكم جديدي بعنوان مطول الغيبه عسى ان ينال على ذائقتكم




هلايامطول الغيبه رجعت وجيت بعـــد غيــــاب
عقب ماغبت يالجافي رجعت وعلها خيره
ذكرت وجابك الماضي واناجرحي بعد ماطــاب
وكسرٍِ سبته هجرك حبيبي صعب تجبيره
تصد وتطعن وتتــــرك وانا ادور لــك الاسبـــاب
ولملم مامضى وانثر ولا احصل سوىالحيره
تضيق من الفضى وارقى سببها عالــي المرقـــاب
مثل ذيبٍِ طعنه الجوع طعن وزاد تعزيره
تـــرى حــاله مثــل حالي وانا مثـــله بعـد منصاب
وجرحي بالحشى ينزف عسيروصعب تطهيره
تذًكــر يـــوم ماجيتك وقلت ابعــد محنــّى احبـــاب
تجاهلت انت ماضــينا وقلت ابـــدل بغـــيره
احاول مخسرك وافتح من مــــداراتـــي الابـــواب
واشوفك كل مافتح باب لك تبدي لتسكيره
هــدمت ابراج عــشرتناوقــلبي ســبتك منــــصاب
ونجى الله خفوقي من قساك وراد تحريره
عقب صدك لقيت اللي حـــنون ويســـلب الالبـــاب
وليفٍِ ماعرف درب الخطـأ والشك والغيره
صدوق ولازعل جاني معــــاه اجمل كـــلام عتاب
يشدّ السامع بذرب الكلام وزين تعبـــيره
غنوج ٍِ لاحكت كــــن العسل مـــن شفّتــــيها ذاب
مثل ورقٍِ على الاغصان تسجع في مزاميره
غلاهـــاســاد واســـتعمر حشـــاي وحكم المقضاب
وانا استسلمت للترف الغنوج وقلت ماغيره
لــه اوصاف العنود اللي تقود السرب وسط الغاب
ولــها عيون اشقر ٍِ وافــي وسيعاتن مناخيره
زعــول و يطلب الصعبه خذا الصـــيده دحم ماهاب
وحش مابرقعوه اهل الصقور ولاسكن ديره
حـــلياطـــولهـــا غصــنٍِ تمايل والهوى هبــــاب
ولها شعرٍِ كما ليل الدجى ماشب به نيره
ختـــام القول رح وبعــد وتـــلقا غيـــرنا اصـحاب
وشيٍِ ماقسمه ربك عسير وصعب تغييره

تحياتي .. الشاعر .. فرج مرزوق البذالي ..
ّ

المصدر: الملتقى الجماهيري للشاعر محمد بن فطيس المري

تصد وتطعن وتتــــرك وانا ادور لــك الاسبـــاب
ولملم مامضى وانثر ولا احصل سوىالحيره

الشاعر فررج بن مرزوق ياهلا ويامرحبا حياك الله ,,

صح الله لسانك وصح قلبك ولاهنت على هالمعزووفه الرائعه دمت مميز وانتقيت احرف قمم في المعنى وتوضيف الكلمات الرائعه ماشاء الله تبارك الله ,,

لك شكري وتقديري ووافر احتراامي وفي انتظار المزيد .

صــح بدانك يالذيب نورت بطلتك ومرورك الراقي اشكرك على اسلوبك الجميل وكلامك اللذي يشرح الخاطر


تقبل ودي

وشيٍِ ماقسمه ربك عسير وصعب تغييره


سح لسانكـ ولاهنت ..
سلمت الايادي

يامرحبا اختنا الغاليه صح بدانك مرورك راقي كـ رقي شخصك


تقبلي تحاياي

صح الله لسانك وبيض الله وجهك يا ابو مرزووق


ومرحبا ومسهلا


من متابيع بشده

صح بدانك اخوي محمد ووجهك ابيض على هالمرور الراقي

يسعدني تواجدك

تقبل تحاياي

صح الله السانك وعتلا شانك
قصيدة شامخة يا الغالي
اسعدني التواجد على هالمتصفح الطاهر
تقبل مروري المتواضع

صح الله بدانك اخوي مرورك شرف فديتك

صح لسانك أخوي وبيض الله وجهك على هالنص الأكثر من جزل

داوم الحضور واالنشر فنحن بالإنتظار ..


عذب التحايا