ابيات ترفع الا مقام سعيد وابو مشهور ,,

ابيات ترفع الا مقام سعيد وابو مشهور ,,

بسم الله الرحمن الرحيم ,,

سلام عليكم ورحمة الله وبركااته ,,

اسعد الله جميع اوقاتكم بكل خير وكل سرور وسعاده ,,

اضع لكم ابيات متواضعه وهي ردا ً على الاخ سعيد والاخ موسى بعد ان سبق وكتبو ابيات ترحيبيه واستمد منهم العذر للتأخير على الرد ويعلم الله بالظروف وحكمها ,,

مابين ابو مشهور وسعيد جاء للشعر موضوع=وانا مع اهل الشعر والشعر ماقد شاب قافي
يامرحبا والعز له بيرق ٍ بالطيب مرفوع=والجو صافي يوم للقيل يأهل القيل صافي
رد الثناء لهل الثناء فالمواقف شرع مشروع=سلم ٍ لنا من ماضي الوقت يافي لكل وافي
عاده لكل اهل الحميه على الاصحاب متبوع=تاصل مناهيها على وصل الاصحاب النوافي
بالشكر والعرفان وأصلا الغلا مانقصر البوع=نكتب على التعبير مادام جاء التعبير كافي
حسب العوايد كلها مانوصى فأول النوع=نرفع بيارقها معزه على تقدير ضافي
من دونكم لاشك والظن يالاثنين ممنوع=لاوالذي منشي سحاب ٍ من المنشاء عوافي
ولو لا الظروف القيل ماطال يوم ويوم واسبوع=لكن يحكم كل خلق الله اظروف وكلافي
والختم والمبدا لكم شكر بالتقدير متبوع=ولكل منهو حاضر ٍ فالمواقف مايفافي

وســلامة نـواظركم وقلـوبكم .

المصدر: الملتقى الجماهيري للشاعر محمد بن فطيس المري

الله صح لسانك ياخالد كفو ولافيك قصور وانت تستاهل الطيب لانك من هله

صح لساااانك واعتلى شانك يابن العم

كفيت و وفيت ولاهي غريبه عليك ياشاعرنا القدير
قصيده جزله من شاااااااعر غني عن التعريف
والله يبيض وجهك ويطول في عمرك لاعدمتك

سح لسانكك .. ولاهنت ..
والله يحفظ الجميع من كل شر ..
امتناني*

كفو ي الروقي كفيت وفيت
صح لسانك وبيض الله وجهك قصيده جزله

وشامخه بشموخ راس شاعرها وتستاهل ممتاز

تقبل خالص تحياتي

صح لسانك يالنشمي ...
وافي وتستحق الترحيب من شعراء لهم بالقلب مكانه عالية ...
صح لسانك والسنتهم وجمع الله خوتكم وجميع عباده المسلمين في روض الجنان...

تحياااتي وخالص شكري،،،

تسلم يبو سهيل جعلك تدوم ويفدونك الرخوم
والله وانا اخوك ماقلتها أدور ردها ولا اتمدح بها الشاهد الله ان اللي
قلت أنا ماتافي باللي في خاطري لك من معزه
وتقدير وفرحة بعودتك عساها اخر الرحلات وانت باتم
العافيه والصحه والعمر المديد ولكن انت كريم وزودن على
ذالك وافي يقول احمد السديري

عمر ألوفا ماضاع بين الرجالي
يضيع من بين الحصاني والابساس
كفيت ووفيت صح لسانك
يبوسهيل تقبل تحيات وتقدير اخوك سعيد ولاهنت يبطل

صح لسانك شاعرنا العذب أنت تستاهل الترحيب وهم يستاهلون ردك الوافي
ربي يجملك على طاعته
تقبل تحيتي وتقديري وتقييمي
ترانيم

ماشاء الله . . . صح لسآنك خآلد
ابيآت رآئعة ورد وآفي من شاعر مبدع
وسعيد وموسى يستآهلوو

أبوسهيل
صح لسآنكـ يآلغآلي
رد وآفي على شخصين يستآهلون كل خير
مآيميز هذآ آلمنتدى آنه مبني على آلترآبط وآلاخوه آلصآدقه
تقبل مروري آلمتوآضع