إيه .. من حقّك تحب ، واحد : جديد‎

إيه .. من حقّك تحب ، واحد : جديد‎

........ إيه .. من حقّك تحب ، واحد : جديد |
بس " قلبي " ... لا أشوفك ، تقْربه .

........ بنصحك .. . وأدري النصيحه ماتفيد :
يا تعمّر ( بيتك ) .. أو لا ، تخْربه !

........ ناوي تعشق ؟ عافيَه ، إعشِق بعيد ... .
صير ضِد القلب ، خُون | و| عذْربه .

........ الله يْهنّي ( سعيدة ) في ( سعيد ) ،
وكل عقرَب لدغتة . . من عقْربه !

........ لا تفكّر في إنكساري ... يا عنيد |
و " الكلام " إن جاك ، لا تستغربه .

........ مستحيل ، تغيّر الأصل ، و تبيد
لو محيته . . أو نفضت الأتربه ،

........ صوتك إللي كان لي أيّام " عيد " ،
ما يأثّر .... في الخفوق ، ويطربه .

........ إنت خلّك .. في أحاسيسك بليد
( المَثَل ) في غير وقته : تضربه !

........ مو أكيد أنساك .. بس إن الأكيد :
كاس من إيدك ، بعد ~ ما أشربه !

........ جرّب إللي بخاطرك .. وإبقى وحيد ،
وطيح من عيني بعد هـ ( التجْربه ) .

المصدر: الملتقى الجماهيري للشاعر محمد بن فطيس المري

........ الله يْهنّي ( سعيدة ) في ( سعيد ) ،
وكل عقرَب لدغتة . . من عقْربه !

........ لا تفكّر في إنكساري ... يا عنيد |
و " الكلام " إن جاك ، لا تستغربه .



... شاعر ...


االله االله ااالله

مبدع ياعزيزي بأختيارك صح لسان شاعرها وصح ذووقك الرااقي

استمتعت في دررها الجميله انتقيت ماشدني اليه وبقيتها اجمل مما انتقيته

تقبل مروري اجمل تحيه لك

صوتك إللي كان لي أيّام " عيد " ،
ما يأثّر .... في الخفوق ، ويطربه
صح لسااااان شاعرها
يعطييييك العااااافيه
اخيارك كان موفق
هذا يدل على ذوقك الراقي بالقصيد
تحيااااااااااتي