قابلت في دنياي ناس كما اشواك

قابلت في دنياي ناس كما اشواك

السلام عليكم ورحمة الله وبركاتة
اول شي الشهر عليكم مبارك وكل عام وانتم بخير

وثاني شي سامحونا على الانقطاع هاليومين

وهاذي ابيات وجهتها لواحد من الربع ورد علي

اقول

ياصاحبي مشعل عسى اللاش يفداك
وياجعل ربي يمد عمرك وانا اخيك

يالنادر اللي خاب منهو تحداك
يامزبن المضهود لاصار ناصيك

قابلت في دنياي ناس(ن) كما اشواك
ماتنبغى بريال ... لو كان تبغيك

تقفي ليالي .. ثم ترجع ترجاك
ماله مع الاجواد وجه(ن) يوريك

وشهي سواتك ياصحيبي ليا جاك ؟
عطني جوابك جعل ربي يعافيك

رد هو ويقول

يامرحبا واعداد ماحل طرياك
ياللي على درب الشكاله خطاويك

يامحزمي وقت اللقاء ... كاعم عداك
ياللي عن الهزلات مبعد مماشيك

اما الردي ياصاحبي .. جعله افداك
ماهوب شف(ن) ولاهو مخاويك

على المعزه شايبك دوم ضراك
ولا الردي ماهوب قادر يجاريك

ألزم رفيق(ن) لانصيته تلقاك
فالضيق ولا فالرخا مايخليك

وسلامتكم

المصدر: الملتقى الجماهيري للشاعر محمد بن فطيس المري

,

وْعليكمَ آلسَلآم وآلرحمّة يّ آلعرَجآنيّ
وعساكَ ممٍنَ يعوٌدونه ..
صحَ لسآنكَ .. ولاهانْ خويك َ..

صحت ابدانكم لاهنت على النقل
كانت قصيدتين جزله اعجبت بها

صح الله ابدانكم جميع

والله لايهينكم على المرور اللي شرفني

وعليكم السلام ورحمة الله وبركاته ,,

ياهلا ويامرحبا ياظافر حياك الله ,,

كل عام وانت بألف خير وصحه وسلامه ومبارك عليك الشهر ,,

صح الله لساانك وصح الله لساان مشعل ولاهان ولاهنت ابيات وردها اجمل من مايكون ,,

كل تقديري وشكري لك وخالص تحياتي .

خالد العبيريد


صح الله لسانك واعتلا شانك
ولاهنت يالغالي على مرورك اللي شرفني