وانا لامن مدحت اعتيبه الهيلا يصيح الهيل=على الدله يفور وتنقز البنه من المحماس{الى خالد العبيريد}

وانا لامن مدحت اعتيبه الهيلا يصيح الهيل=على الدله يفور وتنقز البنه من المحماس{الى خالد العبيريد}

سلام الله سلامٍ غيمـــه اسود كن فيه الليل=سلام لو نثر مافي جنوبــه يغرق ابه الناس
سلامٍ ماهو بكاذب ويلعن كذبـتك يابريل=على مد السنين ومرها صوت الوتر حساس
يغنيها الشريف الي بقا صوته وراح الحيل=على ظهر الضنون الحايله والعز والنبراس
يغنيها لخالد صاحبه راعي الكرم والخيل=وراعي العزوه الي لاتعزواها تجيب الكاس
عتيبه والنعم معها من اول جيل لاخر جيل=هل الناموس لطامة وجيه العايله الانجاس
رجالٍ لابغاها في الزحم تزحم يدا وارجيل=ويزحم راسها بين العرب ماغيرها له راس
رجال في الكرم فنجالها لامدته برميل=تبى تروى ويروى الي معك من ساير الاجناس
وانا لامن مدحت اعتيبه الهيلا يصيح الهيل=على الدله يفور وتنقز البنه من المحمـاس
زميلي خالد الي رفقته مابه له تبديل=ولو جاني بدلها عملة امريكا وكل المــــاس
يقولون الشعر وهبه وانا اقول الشعر تبجيل=عطاه الله من يعرف قدر صاحبه والقرطاس
انا امجد بيوت الشعر والمعنى مثل الانجيل=بعد ولا قبل ماحرفوه اهل الكفر الانجاس
ياخالد راح ابن جدلان ولّا به زمانه حيل=وابن قظعان ماتت فكرته في الناب والاضراس
وابن وسام يكتب عام ثم يمرض بداء الفيل=وابو فيصل ملك لاكن تاجه مرصعٍ بنحـــاس
خلاص الله عليك ان طحت ياخالد لزوم تشيل=وانا خابر عزومك طيبه من طيب راس وساس
نبي منك المعاني والمعاني منك وادي الويل=ولاباقي سواك تطلعه عيني بدون اقياس
ترى باقي العرب بلا توالي من جذم تقبيل=يقبّلها الكلام وروسها تلقى تحت الارماس

المصدر: الملتقى الجماهيري للشاعر محمد بن فطيس المري

صح السانك ولاهنت على القصيده ومشكور

صح الله بدنك ومشكوره على مرورك

الله الله صح لسانك يامحمد وبنتظار خالد

قصيده رووعه
صح لسان من قيالها
لاهنت

الله الله صح السانك يابوحميد وينتظار رد ابوسهيل
تحيتي لكما

رجال فـي الكـرم فنجالهـا لامدتـه برميـل=تبى تروى ويروى الي معك من ساير الاجناس
ههههههههه حلو الوصف يابو علي ,,

حياك الله يامحمد وحي الله القصيده معك ,,

صح الله لساانك وصح قلبك وكلك ولاعليك زود ولا على ربعك قاصر ,,

صراحه تفأجت بالابيات ولكن عسى الله يلهمني الرد الي يجملني معك وبلا شك مايشيل الحيد غير من كان قده ,,

كن على انتظار بأذن الله ولك خالص تحياتي وكل تقديري .

صح لسانك يالشريف ونعم فيك وفي ربعك ماعليكم قصور يالنشاما
وبيض الله وجهك قصيده جزله من شاعر جزل وننتظر رد شاعرنا خالد