يا حـزن

يا حـزن

مني اليكم هـذه الابيات المتواضعـه و سامحـوني على الغيبه ..

ياحـزن .. فارق ترى حنـّا بشر
صعب صعب أتحمّلك طول العمر

قبلنا آدم أبونا قد خـطاء
يا حزن ذي غلطتي وين العذر ؟

ماتوا الغالين يا أبشع شعـور
هـذا حكم الله راضي بالقدر

العـذاب إني على قيد الحياه
مير قلبي .. بين أطواب القبر

القهر لاحتجت و يمنعك الحياء
و العفيف اليوم يشربه البحر

القهر لو صاحبك يضحك معاك
ومن ورى ظهرك مخاليبه غدر

القهر لامن جفاك اللي تحب
ومن حنينك أستحى وجـه الشعر

القهر بالمختصر حظي كذا
يا زماني لي متى هـذا القهر

يا بري حال الذي وحـده حزين
الدقيقه كنـّها حبسة شهر

وآنا كل عمري قضيته أنتظار
نجم وين اللقاء عقب صبري صبر ؟

عاشت أيامي على شوف السراب
وفي ليال العمر ما شفت القمر

بس يا حزني بس من هذا الجحيم
آتعـوّذ منك يا حـزن الصدر

أعترف لك يا الاهي بالقصور
من بزوغ الشمس إلى قبل الفجر

أرتـجي يا رب تغفر لي الذنـوب
و أسألك يا رب هالغيمه تـُمـر

و سلامتكم يا كـرام ..

ودي ...

المصدر: الملتقى الجماهيري للشاعر محمد بن فطيس المري

صح لسانك يالقاف الحزين ولا هنت على هذه القصيدة الجميلة المؤثرة

ان شاءالله الغيمة تمر


تحيتي وتقديري

الاجمل الاكمل هـو تواجــدك ..

الف شكر على المرور و الاطراء ..

لا عــدمتـك ..

ودي مــع ردي ...,

اخوي القاف الحزين
كلام جميل ومؤثر جدا صح لسانك
تقديري واحترامي