الــطــيـــر

الــطــيـــر

.

---يالله حي الشباب ..
هذه القصيده قالها الشاعر عندما شاف بنت جاره ممممممممممموت حمر لكنها دئما كاشفه وجهها فقالها لجاره عشان يفهمها ...
والان اخليكم مع القصيده ...وشرط تعجبكم ..


الشاعرهادي الرزقي اليامي


ياجار كانك طعتنـي برقـع الطيـر
طيرك وحش واقلوبنـا مستميتـه

لولاي رجلٍ من رجال بهـم خيـر
ماصد واغض النظر مـن بخيتـه

ياجار طيرك كل ماعرّض اعصيـر
مـدري علامـه يلتفـت مادعيتـه

يمر كنّـه شـارد الصيـد لاذيـر
لابوه لابـو حـي حيّـه ، وميتـه

اغير , وانذر ، وانذر القوم ، واغير
وابيع روحـي ، وانهـزم لابغيتـه

يردّنـي ياجـار طبـعٍ لنـا غيـر
الجـار مانـدرج لغـرات بيـتـه

يبقا على حشمه ، وشيمه ، وتقدير
ويـروح عنّـي بالـردا ماقفيتـه

من خوف شيِ مابعد صار ، ويصير
يامّا هدمـت البيـت ، والاّ بنيتـه

بعدٍ عـن الهيّـن معـزّه وتوقيـر
ورجمٍ على غيـر النقـا مابديتـه

يحدنـي يـم الخطـا دون تبريـر
الـلي بلانـي بالهـوى ، مابليتـه

وانا بشر منـي خطايـا وتقصيـر
الله يغفـر كـل ذنــبٍ جنيـتـه



القصيده قديمه والظاهر ان الطير تبرقع وتزوج وجاب سفان و و و

المصدر: الملتقى الجماهيري للشاعر محمد بن فطيس المري