الجبين الطاهر

الجبين الطاهر

سلام يا منتدا اهل الشعر والشعار = من بعد غيبه لفينا والزمن قاسي

ارتب ابيات شعري داخل المضمار = ما دام قدر الشعر في داخلي راسي

والهاجس اللي يهل القاف للحضار = مثل المطر تدفعه للعالم انفاسي

يجري مجاري الهوى ويثور فيه غبار =واهيم به واتغنى به معى ناسي

وجروحي العامره في داخلي تحتار = وتقول هل يرتمي التعبير بحساسي

حتى يهل المشاعر في سما الافكار = ويشوش به لا ظهر تفكيري وراسي

انسجته الداخليه جينها فخار = وانسجته الخارجيه كونت باسي

اهيم بهمومي اللي داخلي زوار = حتى غدت تملك احساسي وهوجاسي

ترمي لي الضيق وانا ارمي لها الايثار = حتى تعدت بي اهاتي وانا ناسي

يا ويل حالي من اللي فالضمير الحار = الجادل اللي غلاها يعلن افلاسي

افلاسي من المشاعر والعيون انوار = تعكس شعاع الجبين الطاهر الماسي

المصدر: الملتقى الجماهيري للشاعر محمد بن فطيس المري

الله الله
صح لسانك
بعد غياب