قصة جمل شاعر مسوي قصيده (فكاااهيه)

قصة جمل شاعر مسوي قصيده (فكاااهيه)

بسم الله الرحمن الرحيم
(هذه قصيدة الجمل الشاعر الذي يعاتب فيها الانسان )
وهي للشاعر \ سليمان بن وقيان الوابصي

سر ياقلم واكتب على بيض الابواك=قصه جمل شاعر مسوي قصيده
اليوم يالانسان يوم الله اغناك=عني وتركب لك بقعه حديده
كتفتني بأسياخ وحبال وأسلاك=وحطيتني في حوض ددسن جديده
ودك تعشاني عساها تعشاك=والخيرواجد والمصادر عديده
نسيت فعلي ياسود الرأس وياك=وانا خويك بالسنين الشديده
اشيل زولك وانتقل ماك واغطاك=واقطع بك الفرزات لو هي بعيده
اطا على الحنشان وغصون الاشواك=وانته على ظهري تغني نشيده
امشي على طوعك ورايك ومشهاك=واليا وقفت تصوطني بالجريده
اوحي الضماء والجوع ماهمني ذاك=وأوردك منهال صعب وريده
وابرك بجالك واطرد الذيب لاجاك=مثل الكبير اللي يحاظي وليده
جازيت من يعطيك دره ورباك=وشلون ترخصني بقيمه زهيده
ها الحين تذبحني على عرس عذراك=ذبح الدجاجه فوق قدر العصيده
والله لولا حكم ربي ومولاك=لهبدك لين ادعي عضامك مديده
أن كانها بالجسم فانا اتحداك=وكلاً مع الميدان ينطح نديده
اسحنك بزوري لامني امحاك=انا الجمل لاشاف خصمه يكيده

المصدر: الملتقى الجماهيري للشاعر محمد بن فطيس المري

صح لسان قايلها ... ... مشكور ع نقلها ... واصل ابداعك ... تقبل مروري

ܓჱܓ يعطيك الف عافيه ܓჱܓ
ويسعد قلبك على الانتقاااء
ماننحرم من حظورك المميز
¸ •*´ ودى واحترامي`*•.