بعد الغياب

بعد الغياب

لا تلمون المعنى يوم غنا=ضيقته ضيقه وطعناته قويه

والاماني لو تجي للي تمنا=كان عاشو كل خلق الله سويه

صارت هموم الحشى منا ومنا=تردف الكيه على كبدي بكيه

يوم انا عن لازمي لا ما اتونا=راح عمري بين شمس وبين فيه

والحقيقه غيبتنا عن وطنا=يوم حن للعز فرسان ومطيه

من بحث عن نورها كنه تجنا=لين جا للغي ساس وعنصريه

من رضا بالذل والا به تهنا=حالته تبقى معى العالم دنيه

شف ضميري عاش يبحث عن ضعنا=ما لقى غير الدموع السرمديه

بس لامن همنا فجئه زبنا=نزرعه بارواحنا والنار حيه

هاك موضوع القوافي يا مهنا=ما بقى طعنات تاتيني خفيه

خوة الطيب سواها ما اتقنا=والردي يلقى مثيله فالرعيه

لا غرست الطيب باهل الطيب دنا=بالجنى والمسك وارياحٍ زكيه

وان غرسته في ردي الساس ظنا=بان لك غايه ولك صوبه عنيه

للرجال اهل الوفى مني مثنا=والنصيحه ذي على كل البريه

لا تخاوي غير من ساسه مجنا=من خوال ومن عمامه له دويه

ينفعك في كل هيه لا تعنا=وان ضرب جاك الفرج منه هديه

والردي لا تصحبه لو هو مكنا=بالعلوم الوافيات الجوهريه

عرقه الدساس لو ربعه طرنا=ينزوي في داخل النفس الشقيه

كنه الثعبان له ملمس وفنا=بس سمه يعطب الروح النقيه

ذي نصيحه والستر والليل جنا=يا الله بمزنه علينا عقربيه

تشعل اشعالٍ ومنها الما يشنا=لين تروي واتغسل كبدٍ ضميه

با اجذب الموال واسري واتغنا=دام شعري ما وجد بالكون زيه

ايه انا ناصر وهاجوسي يونا=شغل الونان وحروفه طريه

ثم غدى المستشعرين اشباه جنا=يوم دوا هاجسي حزة دويه

ما بقى بارض الشعر بيتٍ مبنا=غير سيسان الشريف الهاشميه

تنتمي لافكار ناصر واتحنا=واتمايل بالطروق الصيرميه

شلت من افكار ناصر كل فنا=ثم غدت تلعن من يخلي خويه

المصدر: الملتقى الجماهيري للشاعر محمد بن فطيس المري

ونعم يانسل الهاشميه
شاااعر لله درك
ننتظر بشوق جديدك
لانه يروي ظمأ الكبود

اقتباس المشاركة الأصلية كتبت بواسطة فهدالهباش القحطاني ونعم يانسل الهاشميه شاااعر لله درك ننتظر بشوق جديدك لانه يروي ظمأ الكبود

فهد الهباش ما عليك زود

وتسلم على الاطراء وشهاده اعتز بها

وابشرو بالخير تحياتي للجميع

ماشاء الله ياناصر ..


عندك جزاله لم اراهاا وسرد عظيم

صح لساانك يالجزل وقصيده ذات حكمه

بيض الله وجهك

... ناصر الشريف ...


ااالله عليك يانبض القصيد احترم حروفك جدا

ذوووق مميز صح لسانك

تقبل مروري

صح لسااانك
ناصر الله لايهينك

ناصر شاعر لا يشق له غبار

صح لسانك يالقرم واعتلا شانك

لا حرمنا هذه النصوص من نبض حرفك

لا خلا ولا عدم ياناصر

ابو مشاري

يسلمو على الكلماات
الله يعطيك العافية
خااالص ودي لك

الله يعطيك الف الف عاااافيه

صح الله لسانك اشهد انك شاعر

وعسى ما تطول الغيبه يا غالي