,, من يمنعك وانتي ملاك وخطفتي ,,

,, من يمنعك وانتي ملاك وخطفتي ,,

مع التحيه والتقدير لكل العابرين

يا اللي على مد النواظر وقفتي=وش وقّفك حتى التفتي وانا اشوف
انتي لقيتي ورد وانتي قطفتي=واصابعك مدت لي الورد مقطوف
انتي على اوتار المشاعر عزفتي=كل الولع من فوق الاوتار معزوف
كنّك على درب الغرام اكتشفتي=نار الغرام اللي كوت قلب مكلوف
مدري وش اللي من خيالي حذفتي=وانا خيالي مع هوا النفس ملقوف
راحت لك جنون الغلا واختلفتي=وردت علي بطعنة رماح وسيوف
زانت لك الوقفه وفيها اعترفتي=واكبر دليل انك وقفتي على الخوف
واكبر دليل اني هتفت وهتفتي=واجمل عباره كونتها اربع حروف
يا كثر ما ضفتي وضفتي وضفتي=حتى غدا اسمك با الشرايين مضيوف
لامستي الحس الدفين وعطفتي=وانا اعتبرت ملاطف الحس معروف
من يمنعك وانتي ملاك وخطفتي=والعشق لك من بنك الاحساس مصروف
الشمس توصف بك وفيها انوصفتي=لن الشبه واحد علامات ووصوف
يا اللي على مد النواظر وقفتي=وش وقفك حتى التفتي وانا اشوف

المصدر: الملتقى الجماهيري للشاعر محمد بن فطيس المري

صح ح ح إلسانك

يالشمري

إبدآع الله لا يضرك

تحياااتي

صح لسانك يارمالي

وبيض الله وجهك

قصيده جزله من راس جزل

لاهنت اخوي وسلمت يمناك

الرمالي صح السانك يا بعدي

قصيده قمة الروعه

تشكر عليهاا ونتظر جديدك يابعدي

مررت

، زانت لـك الوقفـه وفيهـا اعترفتـي
واكبر دليل انك وقفتي علـى الخـوف
واكبـر دليـل انـي هتفـت وهتفتـي
واجمل عباره كونتهـا اربـع حـروف ،

حروف
حروف
حروف

الله الله يا مرزوق ،
صح لسآنك مدد بلا عدد ،،
ابدعت في ذمتي
لاهنت ولآهآن منطوقك يالجزل ،،
تحيآتي لك

صح لسانك ع الابيااات الجميييله ...

لك ودي ...

مرزوق الرمالي

صح لسانك واشهد لله ان عاد به شعر

رائع بكل ما تحمله الكلمه من جمال

اكرر صح لسانك حتى ترضى تقبل مروري وتحياتي

صح لسآآآنك أخوي ...

ألقصيدة روعة بكل ماتحمله الكلمة لامن معاني ولاتوصيف
كلبيها كايفه

تحيتي

صصح السآنكـ وآعتلى ششآنكـ
لاهنت
على لابيآت الجزله

صح لسانك يامرزوق قصيده من شاعر فحل