الخيل في طبعها عجلــه وجمـاحــه

الخيل في طبعها عجلــه وجمـاحــه

الخيل فـي طبعهـا عجلـه وجماحـه
وليا عسفها سنافي القوم تخضـع لـه

والعين لـولا عليهـا رمـوش ذباحـه
لا سلهمت بالنظر تذبح وهـي عجلـه

والجادل اللـي نمـى بالصـدر تفاحـه
ياوجد عينـي عليهـا لاقبلـت وجلـه

لا جات تمشي وتتخطى علـى الراحـه
تحسب خطاها وتتمايـل وهـي خجلـه

كل العذارى تغـار ان طبـت الساحـه
وكلٍ تمنى تجي قربه تسولـف لـه

سميـة الظبـي و ام خـدود وضاحـه
المهـره اللـي سناهـا نـور الحفلـه

معذور من تعترض له يرمـي سلاحـه
لا شـاف زولٍ علـيها نـادرٍ شكلـه

انا اشهد انها تداوي القلـب وجراحـه
وليا بغت تقـتل قلوبٍ علـى غفلـه

تكفون قولوا لهـا لا جـات مرتاحـه
لك صاحـبٍ من رحلتي فاقـدٍ عقله

روفي بحالـه قبـل فرقـاك تجتاحـه
و دموع عينه بعد غيبتـك تشفـع لـه

قالت : قولوا له تـرى ماينفـع صياحـه
مو ذنبي انه تولـع بـي وانـا طفلـه

القلب قفل ٍ عجزت اعطيـه مفتاحـه
ويا كم قلوبٍ تعيش سنيـن منقفلـه

والحب سرٍ تبوحـه عيـن فضاحـه
تسهر ليالي ودمع الشوق تـذرف لـه


أرجــو أن تـروق لكــم

المصدر: الملتقى الجماهيري للشاعر محمد بن فطيس المري

رااااقت لي ياهداج
صح لسان شاعرها..