مجنووووون

مجنووووون

تقابلت لافكار في راس مجنون=واتعالمت كل المعاني بذالك
ما بينها حديت لي سيف مسنون=من هو تلقى السيف بيصير هالك
حطيت لي عند الميامين قانون=نور القمر وضاح والليل حالك
ياللي قريتو ويش بالله تقرون=هاتو ممرات السبل والمسالك
لا جبتو الترحيب با اقول تبقون=واللي تجاهلني فله كيف حالك
الراس من كثر التفاكير مطحون=والعقل خلص والهنى بي تهالك
ياليل بلغ من على النور يسرون=قل ناصر بن حسين هاوي وسالك
في كفه اليمنى معاناه وديون=وبكفه اليسرا ترا العز فالك
لا حد يقول اليوم ماني بمجنون=ولا تقولو من هو اليوم خالك
دقيت لظروف المجانين طبلون=سنجر على مسمار بالي وبالك
البال متردي ولي قلب مطعون=واللي بقى من عمر ناصر حلالك
ياللي خذيت القلب واعميت العيون=ما غير قلبي يا حبيبي وزالك
يا عاشقين الحب واللي تحبون=مسكين من خله له اليوم مالك
قلبي يجر الصوت ويردد لحون=والروح قالت ويش بالله جرالك
قال المحبه غرقتني بماعون=وانتي تقولي يالخبل وش طرالك
انا ورا طرقا الغنادير مسجون=يا خلي المزيون قل ما بدالك
قلبي ضرب مليون لا بالترليون=ياللي خذيت القلب روحي فدالك
ان قمت انا مجنون وان طحت مجنون=وان عشت انا مجنون ومجنون هالك

المصدر: الملتقى الجماهيري للشاعر محمد بن فطيس المري

الله يا شاعرنا ناصر لا زلت للفرايد قايد

أبيات جزلة وأستمتعت بقرائتها وسعدت

بأن أكون اول المارين عليها بل الرادين كذلك

موفق خير يا خوي وإلى الامام قدام

تقبل مروري بحضوري أختك في الله حروف من نور ..

ناصر مافيك حيله

انت ابو الشعر وانت اميره

لاهنت على الجزاله وبيض الله وجهك

اختي في الله حروف من نور

اشكرك على المرور الجميل وانا الاسعد بهذا المرور المشرق

سلمت يداك على هذا المرور تقبلي تحياتي

ناصر يا مجنون الشعر!
مميز ..
ولازلت تبحر بسفينة الإبداع .. وأنت ربانها!
أجمل التحايا لشخصك..

ناصر الشريف
الله الله عليك ياناصر وصح الله السانك قصيده بقمه الجمال ومافيك حيله
ودي وتقديري

محمد الوريكي شهاده افتخر بها

والله لا يهينك وصح بدنك تسلم على المرور تقبل تحياتي

صح والله لسانك ياناصر .. شاعر جزل من مبطي .. ولكن فيه خطا مطبعي عندك في هذا الشطر
( ولا تقولو من هو اليوم خالك ) نقصة كلمة لا ( ولا لا تقولو من هو اليوم خالك )

ونعم فيك وفي خالك .. تقبل تحياتي يابو حسين

ابدعت اخوي ناصر الشريف
ابيات مميزه ماينشبع منها
صح لسانك والله يعطيك العافيه
تحياتي

صححح لسسسانك ياناصر شاعر جززل .. مافيك شك قصيده اكثر من رائعه ....

اخؤي امير ..’
الغلط من نطقك لـ البيت ..
لان الكلمه ماهي [وْلا] اللي يقصده الشاعر على مأضن ولى تقولو من هو اليوم خالك وهي تكتب ولا كذا

والله اعللمممم "~