اغلى البشر

اغلى البشر

البارحة طول ليلي بس أردد سؤال

وين أنت يااغلى البشر؟ وين أنت يااغلى البشر؟



مابين ذكرى الفراق وبين ذكرى الوصال



ياطول ليل العناء ياطول ليل السهر



اللي علشانها قلبي من الصدر جال



ترك ضلوعي وعزّم ناويٍ بالسفر



للجادل أم الحلا وأم الدلع والدلال



اللي غلاها تمكن بالحشى واستقر



ياروح روحي فديتك ياغناتي تعال



اقلط بصدري ترى لك وسط صدري مقّر



حبك حقيقة ولا تقبل نقاش وجدال



اعشقك وأتنفسك وأهواك بالمختصر



تدرين وش كثر أحبك ؟؟ هاك رد السؤال



شفتي نجوم السماء؟ حبك ترى هاااااالكثر

المصدر: الملتقى الجماهيري للشاعر محمد بن فطيس المري

ابدعتي

النص راقي جدآ واعجبني اسلوب الشاعر

النص يشابه لنصوص الشاعر مدغم ابو شيبة فيه شوي من اسلوبه

اهنيك يامبدعة

اقتباس ذكرى الفراق وبين ذكرى الوصال ياطول ليل العناء ياطول ليل السهر

صح الله لسان شاعرها ولا هانت ذائقتك ،


طرح مميز ، دام طرحك ،


تحيتي ،

ياسلام يا سلام


صح الله لسان الشااعر الرااائع صاحب القصيده الجزله


وصح الله ذوووقش يا بنت الرووقه على الطرح الراااقي

بنت الروقه يسلم ذوقك

واختيار اعجبني حيل

ذائقتك تقارب لذائقتي

راقة لي ماطرحتي

الله يحفظك

نص مميز واختيار جميل
تحيتي