كيك وعسل .. محمد فطيس

كيك وعسل .. محمد فطيس

***************************************
بعض العرب حبه يوردك الجنون
ولا يوصف له غلاه حكاك له


مايقنعه وصف الغلا لو وش يكون
لو كل حرف بالحرير يحاك له


الموت جاك وهو تقلبه الظنون
ولا لك الا الصبر وش وداك له


ان قلت ضايق قال هونها تهون
يدري ان ضيقتك له وبكاك له


تقعد تحبه وانت ساكت ومغبون
كن بيوم يقال له مااوفاك له


وكانك مشكك هو يمون او ما يمون
تخيل ان عفت الصبر فرقاك له


غلاه وهو فوق الغلا ماهوب دون
وحكاه سمعك يجبرك بارخاك له


ودك تحطه في العيون من العيون
وتبسط على رمضا الثرى يمناك له


وتظله من الشمس في ظل الجفون
ولا يمر اذنه سوى لباك له


وتسج من غيره لو انهم يذكرون
ومنين ماسجت القدم ممشاك له


غرو يميله الترف ميل الغصون
غصن ليان ومكرمه باسقاك له


جديله الى اقفى ستر منه المتون
كني بريحه لاألتفت لأدعاك له


كيك وعسل لكن ماهو في صحون
ودعا ك من عين الحسود غطاك له


الله لايعطيه ناس ينضلون
ويستر علية من النحل لا ياكله


الوصف والتعبير في وصفه يخون
غير اطلب الله يستجيب دعاك له


وعذال قلبك في محبته يهبون
سكينهم عن قطع حبله حاكله


ناس عن اعراض العرب مايعرضون
ودايم على نفس الشكل والشاكله


اللي من لحوم الاوادم ياكلون
وحلوقهم دفع البلا متواكله


في سلمهم اولى بالاكل الاقربون
واطيبهم اللي صيدته شكواك له


عازمهم الشيطان للذنب ويجون
هذا يقطع له وذاك يواكله


ياجعلهم فدوة ثرا الغض الفتون
اللي على الدرب الطويل خطاك له


طيفه الى نام البشر زارك بهون
وطيفك الى نام البشر سراك له


حبه دفان ومقبرة خضر الطعون
بين العظام العوج كنك ناكله


اللي كذا.. حبه لو تموت مغبون
ولا لك الا الصبر وش وداك له

المصدر: الملتقى الجماهيري للشاعر محمد بن فطيس المري

<<<<< حافظها كلها


صح الله لساانه


والله لا يهينج

الله الله

وش نخلي مانقتبس بس ..

ابدآع هذا الرجـل ..

كيك [فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]لكن ماهو في صحون
ودعا ك من عين الحسود غطاك له


قمة الروعه وشكرا على الطرح

ودك تحطه في العيون من العيون ..............
.................. وتبسط على رمضا الثرى يمناك له

الله الله .. صح الله ألسان شاعرنا
ولاهنت ِ عزيزتي ع الإنتقاء .

فوضاويه مشكورة على القصيدة من شاعري المفضل ..

اعتقد ان هذي القصيدة تسمى شيخة القصايد............

فوضاويه


تسلمين على النقل الجميل


والاختيار الاجمل


ودي لك

مبدع يا بو حمد و صح لسانك

لا هنتي عالطرح يا فوضاويه

شاعر من الصعب أن يتكرر " ابن فطيس "

كل بيت اجمل من الثاني وانا من سمعته لما شارك بها ومن ذاك اليوم وانا ارددها , واردد الشطر اللي يقول " هذا يقطع له وهذا يواكله " للناس اللي يحبون النميمه

مرسيه عالطرح الجميل