صفحة مستشااارك قضايا وحلول

مسائك رضا من الرحمن ..ربي يسعدك دنيا واخره اختي ذكريات ..كلامك كله صح وادري الغيرة تخرب كل شي بس والله هو زرع فيني هالشي ولافكرت بيوم اغار عليه ... موقف حصل خلاني اصير كذا ..دقيت وكان انتظار رد كلمني قال كنت اسولف مع حبيبتي ..فكرته يمزح بس صوته كان جاد ..قفلت بوجهه وجالست اسبوع ما اعرف عنه شي كان يسال بس ما ارد ..زارنا بالبيت وحلف لي ع المصحف انها مزحه بس يبي يشوف ...
قلت له يطلقني وبتنفعه هي .. كونه ع وشك زواج ليه تصرفات هالاطفال والمراهقين اذا اللحين يسوي كذا بعد الزواج شنو ..انا مليت من مزحه اللي يعيشني بنفسيه جدا سيئه ....
والله ما اخفي عليك اني ما ادري وش اسوي ...ذنبه هو زرع فيني هالشي

سلآف ...ياقلبــي ..
ودي أساعدك .. بس للاسف ماعندي خبره
بس الي ودي أقوله خلي ثقتك بنفسك كبيرهـ
وأجلسي مع نفسك جلسة مصآرحه وشوفي
وين الخلل .. و اسباب تصرفآته هذا
وحآولي تناقشينه ..وتقولين كل شي
هذا زوآج .. يعني حيآتك الجديده
أتمني لك التوفيق والحيآه السعيده

اقتباس المشاركة الأصلية كتبت بواسطة ســلاف مسائك رضا من الرحمن ..ربي يسعدك دنيا واخره اختي ذكريات ..كلامك كله صح وادري الغيرة تخرب كل شي بس والله هو زرع فيني هالشي ولافكرت بيوم اغار عليه ... موقف حصل خلاني اصير كذا ..دقيت وكان انتظار رد كلمني قال كنت اسولف مع حبيبتي ..فكرته يمزح بس صوته كان جاد ..قفلت بوجهه وجالست اسبوع ما اعرف عنه شي كان يسال بس ما ارد ..زارنا بالبيت وحلف لي ع المصحف انها مزحه بس يبي يشوف ... قلت له يطلقني وبتنفعه هي .. كونه ع وشك زواج ليه تصرفات هالاطفال والمراهقين اذا اللحين يسوي كذا بعد الزواج شنو ..انا مليت من مزحه اللي يعيشني بنفسيه جدا سيئه .... والله ما اخفي عليك اني ما ادري وش اسوي ...ذنبه هو زرع فيني هالشي

يابنت . رآح يطفش الرجل منك كذآ
قالك يمززح ,,, لآتكبرين الموضوع
بعديــن شكله لقا نقطت ضعفك ..
وصآر يلعب ع أعصآبك ..
أتكلي ع الله وخليك وآثقه بنفسك ..
وصدقيني لو يحبها صدق كانها تزوجها .. هذآ ذا افترضنا ان كلامه صدق
لآتخربين حيآتك بيدك

السلام عليكم ورحمة الله وبركاته ..
مساءكم سعادة ومحبة ,
كل الشكر لصاحبة الموضوع أختي
عاليه

,,

أخت

سُلآف
الغيرة تكون لدى الرجل والمرأة

إلا من ليس به ذرة

إيمآن

لكن الغيرة إذا كانت بشكل جنوني
تؤدي إلى كثير من المشآكل



وانا أنصحك أن تثقي أولا به ..لكي تزول هذه الغيرة


وآخير

مني لك نصيحة وللجميع
إذا تم الزوآج
على خير
أن لاتكون هناك فتح أورآق

للمآضي

لأنها مهما كانت فلن تنسى ,

هلا يالغلا
الله يستر من الغيره
اذا انا بحس بهالشعور مابي القفص الذهبي ....
شعور اكيد أقدره واحس فيك غاليتي ,,,
عندما نحب شخصا ,,
نغار عليه نريد أن نحتويه نريده لنا ولانريده ن ينظر لغيرنا ,,,,
الحب جميل وخاصه لما يكون في الحلال ,,
غاليتي أرى انك تتركي تركيزك عليه ماذا قال وماذا يقصد
فربما انه يريد ان يثيرك ليرى هل أنتي تغارين عليه ,,,,
فعلا الشك والغيره مثل ماقالت حبيبتنا ذكريات دمار للحياه
خلي ثقتك بنفسك كبيره
وترى فعلا الثقه هي اساس كل شي ,,
انا اشوف الغيره في غير محلها من جد ماتصلح
اكيد تنزعجي لما يسوي حركه مو بزينه ولكن تأكدي انك لو طنشتي بتعيشي بحياه ونفسيه أجمل
خليك من الغيره حده الرياض وبنات الرياض وين بيروح كلهم متغطيات ومانشوف غير عيونهم
كلها اما عدسات والا مبالغه بالمكياج
اجعلي روحك مرتاحه واعلمي انك غير ناقصه ان هو التفت لغيرك فالنقص فيه هو
وتنقص من مكانته وهيبته ونظرتك فيه
كوني ملاكا
في عينيه واتركي الكلام عن الغيره
والنظر لمسبباتها
كلنا بنات وعارفين ان كل اللي بالأسواق ديكور فقط
والرجل العاقل من يقدر ويفهم ذلك
ولكن تأكدي ان الرجل اللي مايطالع في بداية حياته راح يحب يكتشف بعدين ويعيش مراهقته
خليه ياخذ راحته ومصيره يعقل

لاتضيعي الفرحه لأجل غيره ربما لن تكون في محلها
وبذلك تجعلي من سترتبطين به ينظر لك بعين احتقار
المرأه هي من ترفع مكانتها في عين الرجل وهي من تخفضها
كوني بنت ذكيه
واتركي عنك هواجيس وكلام البنات
احيان ينصحون نصائح مو في مكانها
خليك حليمه في حياتك ,,
واهتمي بنفسك واتركي الامور التي تشوش عقلك وراءك

ركزي في اجابياته وتغاضي عن سلبياته
فليس هناك احد كامل
ولاتجعليه يخبي عليك أمور خوفا من غيرتك
اجعليه صديق لك ولاتحاسبيه كوني تلك المرحه معاه
لاتلك المحاسبه التي تدقق في اشياء ربما
تكون ثانويه في حياته وبتركيزك تصبح لديه من الأولويات
الحياة الزوجيه لابد ان تكون مبنيه على الثقه ثم الثقه ولاغيرها ثقي فيه
واجعليه يثق فيك
نحن اليوم في عالم الإنفتاح الإعلامي
لن تكتفي يديه وتغمضي عينيه
لاتوضحي غيرتك ابدا له
أشعر بك غاليتي ولكن ,,لنجعل الحوار والتفاهم طريقنا لحياة أفضل

تحيه لروحك
اكملي مشوار الزواج واعداداته وتحضيراته التي لاتنتهي واتركي الغيره فإن مصير من مشاها
للتعب والشقاء

شكرلروحك العذبه وطلب المشوره كلنا اخوان هنا نتساعد ونخفف على بعض
من خلال ما أقرأه واطلع عليه
ليس من خبره


سولاف حبيبتي والله هو يمزح معاك
مستحيل واحد لسى خاطب ويقول هالكلام مزحه يابنت
يبي يشوف مدى حبك له
هو عرف يمثل الدور
شكله بيكون ممثل مبدع
تحياتي يالغلا

من وجهة نظري العادية جدا
أخت ِ سلاف من طريقة كتابتك للمشكلة
يكمن السبب وقيسي على ذلك كل مشكلة صارت بينكم
بمعنى الغيرة موجودة وكلنا متفقين صح....صح
لكن التعبير المكبر من جهتك لكل تصرف هو المشكل هنا أسمحي لي انت ِ تضخمين من تصرافاته
وبالتالي ما صرتي تعرفني كيف تتصرفين في إستفزازه أو حقيقة
أخت ِ دامه قال لك مزحه تقبليها
حتى وان كانت أجعلي من خطئه حل
توكل ِ على ربك وسلمي واسألِ ربك قبل ما تسالينا حنا كخلق

إذا كلامي له جانب مضيء فتقبلي
وإن كان له إنعكاس سامحني
عامر الشنيف

الله يهدئ سرك أختي سلاف ويهدي زوجك عليك بالدعاء
أنا ما عندي خبره بس ترا الغيره لا تقتصر على زوج وزوجته أعاذنا الله
فالأن حتى بالمنتدى تجدين الشاعره او الكاتبه محاربه من البنات ليه لانهم غيرتهم احرقت عيونهم
وللامانه اول منتدى ادخله أجد البنات فيه يتمتعن برزانه ورجاحة عقل
طلعت عن الموضوع ولكني عانيت كثير من غيرة المنتديات
تحياتي وأدعو الله الذي لا اله الا هو أن يقنعه بك ويقنعك به

..... ههههههههههههههههههههههههههههههههههههه

أسمحيلي ياسلاااااااااااف على هالضحكه .. هع هع

.. بصراحه كلماااات ( ذكرياااات الأمس ) عين الصوااب ... لله درّهااا

وبعدين كما ذكرت عاليه ورمق ونديب ... كلهم كلااامهم واقعي ..

... مومعقووول واحد باااقي ما دخل ... ويقول هالكلااااام ( مو معقووول )

الرجل يمزح واكيد يمتلك رووح الدعااابه والفكااهه وهذا ضروري في الحياااة

الزوجيّه يضفي عليهاااا طابع وروح أخرى ..

.. ومهماا كااان انا متأكد بعد اللي صاار منك معه من خلااال ردَّة فعلك

خلااااص رااااح يتووب يمزح معك .. يعني رااح يكوون حذر .. !!!


والحذر واجب لكن مو لهاالدرجه درجة التقييد (( سلاااااف )) ترى الواااقع

في جوف الحدث دائماً تتقفّل أفكااااره !!!

... وطلب المشوووره شيئ طيب .. بصرااحه انا أشوووف الوضع عاااادي جدَّاً

(لسااان حاله يقووول لا عادها الله من مزحه ) خليه يثق فيتس اتركيه يمزززح

ويفلَّهااااا ... إذا ما مزح معاااتس تبينه يمزح مع مين بالله !!!!!

.. الآااان اتصلي عليه وقولي ( اشتقت لك ولسواالفك ) هع هع

.. وقولي ((( هههههه واحد صفـــر ))) كنت أمزح معك هع هع!!

وإذا قااال شـ هالمزح قولي (( وحده بوحده )) هع هع

ترى الرجل يحب الفتاااه الفكاااااهيَّه اللي تعرف تتلاااعب معه على نفس أموااجه ..

وانتبهي لا تجيبين العيد (( يعني نفس اسلوووبه )) يمكن يجيه جلطه والأينتحر هع هع

... لاتنسين اتصلي عليه الآااان .. قولي وحشتني يالمغااازلجي .. هع هع

(( وصدّقيني لو كااان هنااك موااجهه بينكم ماياخذ الموضوع دقيقتين ))

لكن بحكم البعد يختلف الامر ...

ختااماً ... شوي غيررره حلوووو لكن غيرره لدرجة التعقيد والطفش والملل لأ ..

.. وتكبرن وتنسين ..

شوفي خيتي سلاف
اول شي قبل كل شيء
اللهم يارب الارباب يا منشيء السحاب ان تنور طريق اختنا سلاف في زواجها وتحقق لها السعادة التي ترتجيها
وان يكون زواجها مليء بالمسرات والافراح امين يارب

شوفي ياخيتي ،
انتي تقولين انكم لازلتو في الخطوبة ،
والخطوبة هذه مفترق طرق
تسمعين فيها كثير من الكلام وانتي لازلتي لم تعرفي زوجك تمام المعرفة ،
وتاخذك الهواجس والتفكير كثيرا،

اختي سلاف بمجرد الزواج وتصبحون في بيت واحد سينتهي كل هذا ،
حقيقة هذا الامر وسوف تذكرين كلامي هذا لاحقا ،

انا بقلك شيء ،
نوع من الرجال وقت الخطوبة بعد الملكة وقبل الزواج لما يكلم زوجته في الجوال ،
يحاول كثيرا ان ياخذ افكار من اناس اخرين ،
كيف لي ان اتاكد من حب زوجتي لي،
وفي سن الشباب تنقصه الخبره ويسمع كثيرا لاحاديث الشباب من حوله ،
كما هو حال البنت عندما تسمع احاديث من البنات قبل الزواج ،

ولعل ما فعله زوجك كان احد هذه المور ، قيل له اعمل هكذا واشعل الغيرة فيها حتى تعرف مكانة حبك عندها ،
ولو كان يعلم بجرم ما فعل لتمنى انه لم يفعل ،ولكن هذا حصل ،
ولعله كان يريد ان يكسر الحاجز بينكما بالمزح ، وقد اخطى ولكن هذا لا يعني انك تفكرين انه حقيقة خصوصا بعد ما حلف ع المصحف لك ،

سلاف كل هذا لحضة وانتهت ، فلا تجعلي اللحضة منكدة لحياة طويلة امامك ،
انتي تحبين زوجك والا لما فعلتي هذا وكان من وقتها طلبتي الطلاق لانك اعتبرتيه فرصة لك
ولكن انتي تحبينه ، ويجب ان تحافظي على زوجك،
وسوف ترين كيف سيصبح ملاكا بعينك بعد الزواج ،

الزوجة هي من تجعل الرجل معها بقلبه وقالبه
بحنكتها ، باسلوبها بمرحها بحيوتها بالكلام الحلو بالحياة الهادئة البعيدة عن الازعاج ،
اساليني انا شاب واعرف هذا ،
الشاب لن ينظر بعيدا اذا حصل ما يرتجيه في زوجته
ووالله ان الشاب اخر ما يفكر فيه هو الجمال ، فلو وجد القلب الحنون الذي يحتضنه ويزيل همومة وشقاء وتعب الدنيا ،
فهو كالطفل الصغير ، لا يستطيع ان يقول سوى نعم ولبيه ،
اجعلي هذا ديدنك بعد زواجك ،
وسترين محبة زوجك لك ،
الغيرة في بعض الاحيان قاتله فلا تجعليها ديدنك على طول ،،


اتمنى ان رسالتي وصلت اختي سلاف ،
عسى ربي يوفقك ويفرج همك وييسر امرك ،

اشكرك واشكر اختي عالية ع الدعوة،،،

عزيزتي ..رمــق مشكورة يالغلا ع تواجدك واهتمامك ثقتي بنفسي جدا كبيرة وجلست مع نفسي اكيد بس صح كلامك هو شاف انها نقطه ضعفي واستغلها ...والله لو كان صدق كلم لاذبحه مافيها كلام هههه ربي يسعدك مشكورة ع ردك

اخوي ..نديــب مشكور ع تواجدك واهتمامك واعطاء رايك كلامك ع عيني وراسي واكييد نصيحتك راح اخذ بها ..احترامي لشخصك

اختي وعزيزتي ..عاليه مشكورة وربي مدري وش اقول لك كلامك ريحني كثير احسك فاهمه عليه زين وكل كلمه كتبتيها صح ويارب اغير من هالطبع اللي زرعه فيني وارد مثل اول انا اعرف مابقلبه غيري ولاحتى يفكر بيوم يغلط بس الشيطان شاطر ..ع العموم يعطيك الف عافيه وعسى ربي يسعدك دنيا واخرة ويرزقك ماتتمنين ..


اخوي عامر ...اشكرك ع ردك واهتمامك الغيرة موجوده صح ..بس لما احد يثيرها ويزرعها فيك بتزيد ..يمكن راح تفهم كلامي لما تجرب بيوم هالشي ..ربي يسعدك ..احترامي لشخصك

عزيزتي ...ترانيم المطر امين ربي يسمع منك ..مشكورة ع تواجدك واهتمامك ربي يسعدك لك ودي

اخوي...عزاام ربي يسعدك ع اهتمامك ورايك ... قريت ردك وضحكت ادري عنده روح المزح بس مو لهالدرجه .. حياتنا كلها مزح وميانه بس بالذات هذي ماتقبلتها يمكن خذتها بحساسيه وهو هههه وصدقت والله حرم يمزح بشي يضايقني ....ع العموم شاكرة لك تواجدك احترامي لشخصك

اخوي ..فهـد الهباش كل كلمه كتبتها وقلتها وربي ريحتني كثير شالت شوي من الهم اللي فيني ادري الغلط منه ومني انا كمان ..وادري ان مافيه رجل يتحمل حياه النكد والملل والمشاكل ولا افكر بيوم اعيشه بهالحياه لاني بخسر كل شي ..والجمال جمال الروح ..والله مدري كيف اشكرك ربي يسعدك ويرزقك ماتتمناه ...احترامي لسموك


بالنهايئه ..كل شخص مر من هنا ووضع رايه واعطاني حلو لمشكلتي اشكركم من كل قلبي ..والله مدري شنو اقول ..ربي يسعدكم دنيا واخرة ...احترامي لكم جميعاً