كذبة آبريل ..!!

كذبة آبريل ..!!

السلام عليكم ورحمة الله وبركاته

اطرح بين يديكم هذه القصيدة اتمنى ان ترتقي لذائقتكم


:

لا واهني من يهتني نومة الليل=ما عكرت سود الليالي مزاجه
ما جاه في دنياه ضيق و غرابيل=والهم ماقد مر قلبه وداجه
وانا هجوسي مقفيات و مقابيل=متى يبشر خاطري بنفراجه
قمت اتحرى وانتظر طلعت سهيل=لاأقفى سموم القيض وأقفى عجاجه
لاكن على الله يالليال المقابيل=كثر التوجد و التمني سماجه
بشغل اللي وارد(ن) فأخر الجيل=الي ورد من دار جرج الخواجه
( يوكن ) يشابه مشيته مدرج السيل=يثبت ليا جاء فالطريق انعواجه
يرسي سوات السفن في شاطي النيل=ماوقفه راع الكراج بكراجه
نور آكشنه يشبه لنور القناديل=متعوب في تصميم بديه وعاجه
لجل السفر كنه يقول التهاليل=يقراء حديث الترمذي وبن ماجه
بدعس على بنصه وأزود له الكيل=حاديني التقدير لجل المواجه
كله لعين أم الرموش المظاليل=الي خذت مفتاح قلبي وتاجه
موضوعنا عاجل مايحتاج تأجيل=يالصاحب الي ماتعقد حجاجه
جيتك وادور للوفاء و المحاصيل=مثل المريض الي يدور علاجه
شوف العواذل تنقل القال والقيل=لتفرقه كلن يولع سراجه
طبع العواذل تبتكر كذبة آبريل=وطبع الصقر ما يلتفت لدجاجه

المصدر: الملتقى الجماهيري للشاعر محمد بن فطيس المري

قصيده رائعه

صح لسانك واعتلا شانك

وطبع الصقر ما يلتفت للدجاجه
بيض الله وجهك ولاااااااااااااا هنت
إبداع لقد ارتويت شعرا هذا المساء
تحياتي

وعليكم السلام ورحمة الله وبركااته ,,

الشاعر عايض ارررررحب ترااحيب الغلا ,,


الله يلوم من يلوومك يالجزل ,,

صح الله لساانك وصح قلبك وبيض الله وجهك على هـ المعزوووفه الجزله يالجزل مشاء الله تبارك الله ,,

كل الشكر والتقدير لك وخالص متابعتي لك وفي انتظااار المزيد من هذى العزف الرائع .

صح السانك يالجزل قصيدة جزلة ولاازيد على مقال ابا سهيل رائع انت

صح الله السانك
بدعت وابدعت طال عمرك