هو يهتني + صوتية < تعديل للقصيدة السابقة

هو يهتني + صوتية < تعديل للقصيدة السابقة

السلام عليكم ورحمة الله وبركاته
إليكم هذه القصيدة المتواضعه التي سبق وان نزلتها هنا وعدلت فيها بعض الأبيات
وأتمنى أن يتم حذف الموضوع السابق : )

هو يهتني في دنيته كل حزات
وانا اتحرى كل ليل اتصاله

تعبت اعايش في هواه الخيالات
وهو مبعد عني ولاني فباله

ياما صبرت وذقت منه التنهات
وهو هو والله باقيٍ مثل حاله

مغير يقطعني انا بس بالذات
وغيري يجيه ويهتني من وصاله

الله يهون حزة الضيق لاجات
والله يسامح من ملكني خياله

من سبته قمت امسح الدمع بسكات
والملم اجروحي على باب جاله

من خوف لايظحك عذول وشمات
ويفرح على اللي قد يبيه وسعاله

فارق حياتي لكن الحب مامات
على الوفى والعهد قد هو بقاله

لو هو يخون الحب مره ومرات
ماظنتي برضى عشيقٍ بداله

يوتيوب :
[youtube]

المصدر: الملتقى الجماهيري للشاعر محمد بن فطيس المري

لا هنت يالذيب وبيض الله وجهك

قصيدة من الذوق الراقي وقصيدة

جزله بمعنى الكلمة نورت المنتدى

بوجودك يا الوافي تقبل مروري.

اقتباس المشاركة الأصلية كتبت بواسطة مخاوي الدروووب لا هنت يالذيب وبيض الله وجهك قصيدة من الذوق الراقي وقصيدة جزله بمعنى الكلمة نورت المنتدى بوجودك يا الوافي تقبل مروري.

الله مير يسلمك والنور نوركك يبعدي
شرفت يامخاوي الدروب مليون تشريفة