وداااااااعيه

وداااااااعيه

يا شيعة ابيات الشريف اهديكم=شي من حروف الولا غاشيكم
ما دامت ابياتي تنشد فيكم=هاكم من حروفي جمل وقاده
دام القصايد تجذب اهل المبدا=با امد هاجوسي عليها مدا
واثبت على سفح الجبل واتصدا=واسلوبي الطاغي يهد عناده
شاعر ولكن في يدي باكوره=انش راعي الزور وافقع زوره
كلا يعبر بس حسب شعوره=وحروف ناصر للخطر وراده
لا صفر العداد دق ازراره=جاتك طواريقه كما الطياره
تقلع ومدرجها بحسب افكاره=لن الشعر يتبع مراد اسياده
واليوم موالي غدا له داوي=يدوي مثل رعدٍ علينا ضاوي
عرقه من عروق الضماير راوي=يوم الحشى والقلب له سناده
الروح تشكي والالم غاشيها=من حالة الدنيا ومما فيها
الله برياح النصر يسقيها=لن العنى زاد وكسر عداده
ما كل من جاب المعاني شاعر=ولا كل شاعر قيل هذا ناصر
ناصر على ما قيل سبكه فاخر=يرقى ولا يحتاج له نقاده
هذي وداعيه وانا مهديها=لاهل الوفى اللي صيتها حاميها
الله على طبع النقى باريها=سبحانه مدمر جميع انداده
والله يصبرني على ذا الفرقى=اللي على روس الشواهق ترقى
وتجاذب لحون البشر والورقى=على المسامع باللحن وراده
الله حماه من عيون الحاسد=يوم الجمال وحسها متجاسد
بس الحشى دمه سببها فاسد=يالله صبرني لحر ابعاده
بين البشر فكري غدى سلطاني=مالي شبيه انسان والا جاني
اغويت بحروف الشعر شيطاني=وابليس واللي بالغوى له عاده
هذي حروفي والعنى يصحبها=مليت وانا للعموم اسكبها
اسهل معانيها يكون اصعبها=يعني غدت كيف الحشى وقناده
ما بيني وبين القوافي حاجب=والعين ما تعلى حدود الحاجب
واذا دعى الوجدان صوبك حاجب=قل هات عذب الشعر يا قصاده
عفريت متمرد سكن في جوفي=يلقى مراده في جمال حروفي
وتناسبه قسوة جميع ظروفي=حتى وضع فوق الطموح شداده
واليوم يا شعار لا تنسوني=لامن حضرتو للشعر مروني
ابكي وتبكي للفراق عيوني=واندب على اطلال الشعر وبلاده
صحيح انا خذت الشعر واعطيته=حتى كسب من مد ناصر صيته
ياما على طرق الالم غنيته=واليوم ما ابغى طرقه ونشٌاده
با ابقى ولكن بس با ابقى ناقد=لو كان عقلي طول وقته فاقد
وان مر هوجاسي با اسوي راقد=واحط للمبدع وسم وقلاده
وان كان مستغنين عن خدماتي=فابرك ولكن با اقبل بمداتي
وابث تعليقي وملحوظاتي=مثلي وجب يتفاخرو بامجاده
الشعر يشكي ذا الزمن وينادي=اصبح هله في كل فج ونادي
هم عنه في وادي وهو في وادي=كن البلا منهم بجوف فواده
هذا كلام الشاعر اللي عزل=ما هو حديث ولا وحي يتنزل
لكن خفوقي بالضنك يتزلزل=يا الله وفقنا على استبعاده

المصدر: الملتقى الجماهيري للشاعر محمد بن فطيس المري

اقتباس ما كل من جاب المعاني شاعر ولا كل شاعر قيل هذا ناصر ناصر على ما قيل سبكه فاخر يرقى ولا يحتاج له نقاده

كفو ولد كفو صح لساانك يالغالي

ابدعت بسكب ورسم وامتاعنا بهذا النص الشعري الجميل

صح لسااانك وماقصرت تشبعت بهذا الفخر الجميل

رائد

صح لسانك يالشريف..
كفو يالغالي وربعك كفو وقصيدك كفو
تحياتي

صح لسانك يالقرم..

شاعر وتملك إسلوب جميل بقصائدك يميزك عن بقية الشعراء

لاهنت أخوي..ولاهان نبضك

صح لسانك .. ونعم بناصر الشاعر والناقد

ما بيني وبين القوافي حاجب

والعين ما تعلى حدود الحاجب

واذا دعى الوجدان صوبك حاجب

قل هات عذب الشعر يا قصاده

عفريت متمرد سكن في جوفي

يلقى مراده في جمال حروفي

تحياتي .

صح الله لسانك ... قصيدة طيبه ... بالتوفيق لك ... واصل ابداعك ... تقبل مروري

نص جزل إستمتعت بقرائته حقيقة
صح لسانك أخي ناصر الشريف


لاهنت وتقبل تواجدي..

صح السانك وعساك على القووه
تقبل مروووري
احترااااامي

صح لسانك ياناصر قصيده من اجمل ماقراءت

لاهنت يالقرم

صح لسانك ياناصر وبيض الله وجهك على الجزاله .. ولكن لا تحرمنا قصيدك فأنت مبدع والمبدع وجوده ضروري هنا في هذا المنتدى .. ارجو ان تتراجع عن قرارك .. لك ودي