ياللي تمر القلب ما شفتلك ناس

ياللي تمر القلب ما شفتلك ناس

الشاعر /خالد الشمري

ياللي تمر القلب ما شفتلك ناس
ناسٍ على طعنت خفوقي مضارين
&&

ناسٍ لهم في ساحة القلب مجلاس
وهذي مرابط خيلهم بالبساتين
&&

هذا رماد النار شيد على ساس
ومرادهم يازين دم الشرايين
&&

علمي بهم شدو من القلب لراس
واقفت ركايبهم مع دمعت العين
&&

فارقتهم ودموع عيني بكراس
أكشف حقايق سرها للملايين
&&

ياصاحبي ظلمك على قلبنا داس
وزدت الجروح الخافيه والصبر زين
&&

أرفق علي صاحبك بالحيل حساس
مطعون في وسط الحشاء والبخت شين
&&

أنا الجريح اللي من الوقت منحاس
البال ضايق والحبايب بعيدين
&&

ياصاحبي سلك الوصل بيننا ياس
ولا ظنتي هذي حياة المحبين
&&

جازف ولو مره وأنا أقول لاباس
بعيوني الثنتين شوفي العزيزين
&&

اليوم وين الناس ياطيب الباس
لاتجرح بصدك ترانا قريبين
&&

القلب من بعدك غدا فيه وسواس
ألهج بذكرك وأدبل الصاع صاعين
&&

واللي سعى بتفريق الأثنين جساس
هذا جوابي مدونه في عناوين
&&

هذا جوابي مرصع بكيلو الماس
وكيلو ذهب صافي وكيلو سكاكين
&&

عهدن علي لورده حوض الأدناس
ويمشي على دربن مشيته من سنين
&&

ولاني على ضنك ولاني بلاس
ولاني على عهدك لياجيت بعدين
&&

قلبك تقطع يوم أعلنت الأفلاس
ومصيركم واحد وترى وعدنا دين
&&

الباحة هاج البحر وقت الادماس
صراع ذاتي مرنا يوم الاثنين
&&

عباس باع القدس ياشين عباس
وخان العهد في موتمرهم برلين
&&

ويومن رحلنا من بلدنا لتكساس
ضاقتبك الدنياء وذقت الأمرين
&&

ياصاحبي خل العرب تغرس أغراس
ونكسب مودة غيرنا لو بعد حين
&&

والورده اللي تشفي القلب والراس
عهدن علي لصونها بالشرايين
&&

تدري من اللي فرق اجناس وجناس
اللي حياته دايم الدوم تهجين

بقلمي .. خالد الشمررري

المصدر: الملتقى الجماهيري للشاعر محمد بن فطيس المري

أرفق علي صاحبك بالحيل حساس
مطعون في وسط الحشاء والبخت شين
،،،،،،،،
الله يعطيك العافيه ع الطرح الجميل ..اهنيك ع ذائقتك
الشعريه ..
تقبل مروري .. لك ودي..

اقتباس المشاركة الأصلية كتبت بواسطة غراااام نجد أرفق علي صاحبك بالحيل حساس مطعون في وسط الحشاء والبخت شين ،،،،،،،، الله يعطيك العافيه ع الطرح الجميل ..اهنيك ع ذائقتك الشعريه .. تقبل مروري .. لك ودي..

يسلمووو ع المرووور الرااائع

خالد الشمري
لم تكن تلك الرائعه من فيض قلمك وحسب
بل من مشاعر كاااااااااااااااااااااانت صامته
فتحركت بأبها صوره.....

صح لسانك وأعتلى شأنك

اقتباس المشاركة الأصلية كتبت بواسطة جهباذ خالد الشمري لم تكن تلك الرائعه من فيض قلمك وحسب بل من مشاعر كاااااااااااااااااااااانت صامته فتحركت بأبها صوره..... صح لسانك وأعتلى شأنك

صح الله أبدااانك شاكرلك مروورك الرااائع

لك ودي

صح الله لسانك ,, لوحة شعريه تفوق الوصف ولا هي مجامله وصراحه كنت ابي اقتبس لك كم بيت اعجبني ,, لكن كل بيت يقول لي انا الاروع ,,,

وتعقيب بسيط بس

ولاني على ضنك ولاني بلاس
ولاني على عهدك لياجيت بعدين

الشطر الاول في كسر الا اذا في حرف سقط سهوا " ولا بـ بلاس " كذا تكون سليمه

وخان العهد في موتمرهم برلين
الشطر هذا بعد فيه شي , وان شاءالله اخونا بو سلطان يفيدنا واخواننا الشعراء

لكن وللامانه ,, هذا ما يلغي جمالية ما كتبت

علمي بهم شدو من القلب لراس
واقفت ركايبهم مع دمعت العين
&&

فارقتهم ودموع عيني بكراس
أكشف حقايق سرها للملايين
هالبيتين من اروع ما قرات ,, وانت مكسب كبير للمنتدى

تقبل مروري ونقدي وتستاهل التقييم

اقتباس المشاركة الأصلية كتبت بواسطة حمد السبيعي صح الله لسانك ,, لوحة شعريه تفوق الوصف ولا هي مجامله وصراحه كنت ابي اقتبس لك كم بيت اعجبني ,, لكن كل بيت يقول لي انا الاروع ,,, وتعقيب بسيط بس ولاني على ضنك ولاني بلاس ولاني على عهدك لياجيت بعدين الشطر الاول في كسر الا اذا في حرف سقط سهوا " ولا بـ بلاس " كذا تكون سليمه وخان العهد في موتمرهم برلين الشطر هذا بعد فيه شي , وان شاءالله اخونا بو سلطان يفيدنا واخواننا الشعراء لكن وللامانه ,, هذا ما يلغي جمالية ما كتبت علمي بهم شدو من القلب لراس واقفت ركايبهم مع دمعت العين && فارقتهم ودموع عيني بكراس أكشف حقايق سرها للملايين هالبيتين من اروع ما قرات ,, وانت مكسب كبير للمنتدى تقبل مروري ونقدي وتستاهل التقييم

أخووي مافي كسووور ولا شيء ولكن حرووف مشدده فيه
مثلا كلمة بلاس ( تقراء ) ابلاس وتكتب باللغة العربية ببلاس والباء مع الباء تدمج بحرف واحد مشدد وكذالك كلمة برلين

شاكرلك اخووي حمد

صح الله لسانك صمت


ابيات وافيه وكافيه وشافيه رااقتي كثييير بيض الله وجهك

اقتباس المشاركة الأصلية كتبت بواسطة محمد المري صح الله لسانك صمت ابيات وافيه وكافيه وشافيه رااقتي كثييير بيض الله وجهك

صح الله أبدانك أخوووي حمد المري

مروورك شرف لي يالغلا لك ودي

أبيات جميلة جداّ وراقت لي كثيراً