دمعة الشوق

دمعة الشوق

نادي حروف الشوقَ يادمَعة الشووق=ياللي على قلب المعنى لش اثار
كم لي وانا اداوي من الضيقه حروق=لين انتهى مشوار ثم جاك مشوار
ياليل خذ لك من هوى الخافق بروق=حتى تهل دموعنا سر وجهار
ماعدت ادرو من ورى شي مسروق=قلبي سرق لكن معاذيره كبار
عين ومباسم شتت كل مخلوق=كني بها حطت على الروح تذكار
ضاع العقل والهم بالواقع يحوق=حتى غديت ابث للكذبه اعذار
كلمة احبك راجت بداخل السوق=بس الجنون اللي ندر ماله افكار
لا قلت انا مجنون تنساق العروق=حتى اترجم كل ما بالهوى صار
قلبي من النظره والاهداب مفلوق=ياليت ما للقلب معلوق واوتار
ان جيت ابا اغني غدا الحس ممحوق=وان جيت ابا ابكي ثور الهاجس وثار
ضاع الحكي والصوت من دون منطوق=حتى القوافي ما بكت غير الاشعار
با اقطع علاشان الغضي حد وعروق=واسوق له كل القبايل والامصار
واقوم له بالحق واطالب حقوق=ابغى اطلبه ترك التغلي والاسفار
وابغى اطلبه في شي من عام مسروق=قلبٍ تفشى فيه حبه ثم انهار
لا جيت ابا اغني خذا كل طاروق=ما به سواه يهيض القلب لا بار

المصدر: الملتقى الجماهيري للشاعر محمد بن فطيس المري

الله الله ياناصر


ابيات شامخه كصاحبهاا


لاهنت على هذا الجميل


صح الله لسانك ولاحرمنا طرحك

لك تحيه

لا جيت ابا اغني خذا كل طاروق
ما به سواه يهيض القلب لا بار



صح لسانك شاعرنا الجزل
نص جميل جدا
لاهان منطوقك يابعد راسي
للامام ..

بأنتظار جديدك

:
:


شكرا لك

:
:

صصصصصح لسآنك ..

ولآتحرمنآ جديدك ..




.

نص شاعري عظيم .. لله درك ياناصر .. هكذا عودتنا يالقرم .. لا حرمنا جديد حرفك وقافك المميز .. تقبل مروري واعجابي الشديد بحرفك الجزيل .. لك تحيه طاهره كطهرك عزيزي

صح لسانك واعتلى بالعز شانك

جزل وما تقول الا الجزل

راقت لي كثيرا واعدها من افضل ما قرأت هذا الاسبوع

لا هنت ولا هان راسكأ

ودي وتقديري

صحت ابدانكم جميع

والله لايهينكم على المرور

كل واحد بسمه

تقبلو تحياتي وخالص تقديري