ياقلبـ

ياقلبـ

للتواصل معكم

قصيده قديمه جداً وان شاء الله اتواصل معكم بكل جديد

ياقلب ريح مابقى بعد الرحيل=الا الصبر والليل عيني تسهره



ياكم غيري في الهواء حاله عليل=يشكي المواجع بس ماحد عبره



بعد الحبايب شي ماهو مستحيل=بالعكس وارد في زمان المبزره



اصبح اسير الحب يشبه للهبيل=صوته على الموال دايم يجهره



من كثر ماغنى على البحر الطويل=ماعاد صوته يطلع من الحنجره



واليوم ياقلبي تحمل للثقيل=أحذرتضحي بي لجل خاطر مره



كم قلت لك هون ولاتسمع هديل=اللي تغني فوق سور المقبره



لاكن عصيت ابحجت الحب النبيل=وين النباله والقلوب مخدره



غيم عليها الحقد ومزونه غليل=وانت الضرير اللي زمانه عزره



تركض ورى كلمت هنوف" تستحيل=تلعب عليك وتحسب انها مشطره



توعدك بالخيبه وطعم السلسبيل=واثر الكلام اللي تقوله ثرثره



وقعتني ياقلب ماعندي دليل=كل العلوم اللي طرت لك مسخره



كملي وانا اتبع رغبتك حتى المقيل=بين على وجهي من الشمس اكثره



من نام في الوادي على جال المسيل =لابد من سيل" يجي لك بخبره



ومن طاوع القلب الشقي يصبح ذليل=اما يعيش الهم ولا دمره



وان مات مايحسب على الجبهه قتيل=ياكيف يحسب يوم دمه هدره



هذي الحقيقه قلتها عابر سبيل=راضي بحكم الرب واللي قدره

اخوكمـ ابوعلوشـ

المصدر: الملتقى الجماهيري للشاعر محمد بن فطيس المري

ارحب يبو علوش تراحيب المطر قديمك كفو وجديدك كفو
وانت شاعرٍ معروف وصح لسانك لين ترضا
تقبل تحيات وتقديراخوك سعيد وفي أمان ألله وحفظه

حسين كرعل الجمال ملازم ابياتك سواء قديمه او جديده

صح لسانك حتى ترضى وانت عارف رايي فيك من زمان وفي النص هذا اخي العزيز تقبل تحياتي وخالص تقديري

صح لساانك ابيات حمييله .. لك ودي ..

حلووووه يعطيك العووافي

حسين صح لسانك
وبيض الله وجهك
لاهنت يالغالي

ماشاااااااء الله راااااااائعه ياحسين
صح لسآنك ابدعت فيهآ الله يحميكـ يآرب

صح الله لسانك يا حسين وبيض الله وجهك يالغالي

اقتباس المشاركة الأصلية كتبت بواسطة سعيد محمد القحطاني ارحب يبو علوش تراحيب المطر قديمك كفو وجديدك كفو وانت شاعرٍ معروف وصح لسانك لين ترضا تقبل تحيات وتقديراخوك سعيد وفي أمان ألله وحفظه

الله يبقيك يابو سعيد وافي ومن وافين

صح الله بدنك ولاعليك زود يا الغالي

دمت بخير ودامت خوتك

تحياتي لك

اقتباس المشاركة الأصلية كتبت بواسطة ناصر الشريف حسين كرعل الجمال ملازم ابياتك سواء قديمه او جديده صح لسانك حتى ترضى وانت عارف رايي فيك من زمان وفي النص هذا اخي العزيز تقبل تحياتي وخالص تقديري

اخي ابو حسين صح الله بدنك والجمال لايكتمل الا بحضور المبدعين شرواك

الف لاهنت وشهادتك وسام على صدري

دمت بخير ودامت خوتك