تكفون يالقشآنين,,,

تكفون يالقشآنين,,,

يوم حزت على الضلع القصير=واستوا دقها واجلالها
شامت لناقل السيف الشطير=كنه غنى على هوبالها
تنطح اللي ليا صاح النذير=لبته عقب ما لبى لها
صوب صمعان حاديها سعير=غادي ن بردها واظلالها
لك مع القوم ياصمعان طير=ازهم ازهم على رجالها
والجمايل تراها ما تحير=عند منهو يذوق اوشالها
واتعنى لبو ساق واتغير=عادته يرتكي لثقالها
وان شعتها البوارق في دجير=تحذف اخطامها واعقالها
للمنيفي قوافلها تسير=احسن(ن)يرتكي لجبالها
ويم بدر(ن)يسايرها سفير=يبن هضبان جاهك فالها
ويابني يام حثو فالمسير=وافزعو فزعتن يعنا لها
ويال همدان يالشعف الغزير=جالكم لا يفارق جالها
ويالدواسر ضناكم والكبير=طلبته ما ترد انجالها
سايقين الضعن قصاد خير=طالبين الكريم اجزالها
صوب قومن على الداعي نفير=تشرب العد في منزالها
للمعادي عبوس(ن)قمطرير=ومن وزاها غشاه اخيالها
يالقشانين يالبحر الغزير=عصبت(ن)تنعرف برجالها
كل قرمن على الشده بصير=والعنوه ظفر من نالها
النسب والرفق حبل(ن)وتير=سدرتن ظللت حلالها
والطحيني لابن وفقه قطير=تشهد احلاحله واجبالها
والمصايب رحاها تستدير=من خلقنا تفوح ادلالها
دايمن تستذير وتستغير=منتشر فالعرب سلالها
ظافر(ن)فالسجن وضعه خطير=لوحت له على مدخالها
راجي العتق في حروى بشير=حاذف(ن)غترته واعقالها
ناصي اشداد واشداد(ن)كبير=يطلب لحاجته ويسالها
عارف(ن)كلمته ماهي تحير=تاصل القوم لامن قالها
وفي سلايل شعيل(ن)يستجير=والثقايل تروم اجمالها
وقاصد محمد(ن)شوف الضرير=ينعته والكفو يحتالها
معطي العفو رجالن قدير=يامحمد غديت اعقالها
العفو يال وفقه للاسير=سعد منهو ينال افضالها
اصبح السيف من دون الجفير=والدلي ربطت بحبالها
اقطع القيد يالحر السطير=ينشفع لك على مدخالها

بيض الله وجه من سعى في قليل ولا كثير فيما يخص العفو والله يكتب اجره

المصدر: الملتقى الجماهيري للشاعر محمد بن فطيس المري

مرحبا يابو صغير
الله يفرج كربته بحق محمد وال محمد
والله لا يهينك ياغالي

الله يفك اسره ويفرج كربته
ولاهنت

الله يخارجة ومعك وأبشر بسعدك مال ورجال

الله يفرج كربته .. وكل مكرووب ..

وتبشرنا بعتق رقبته

اللهم أمين والله يستجيب دعاء كل من دعاء ويعجل في عتق رقبته
لاهنت اخوي عبدالله وصح لسانك وجزاك الله خير

الله يفرج همه وهم كل مسلم
امين يا رب

الله يفك اسره وكل مظلوم
بحيل الله وقوته
لا اله الا الله ..حق

الله يفك اسره ويفرج كربته
ولاهنت

الله يفك اسره ويفرج كربته
اللهم امين