الشام تشكي والضحايا طوابير

الشام تشكي والضحايا طوابير

السلام عليكم اخواني خواتي

يسعد صباحكم مع مساكم بكل خير

ابيات بسيطه . تعبر عن نفسها



ياناس عيد الحب لاهل الخنازير

نــبــيــنــا ماحــــط دونه وصــايـــا

الشــــام تشكي والضــحايا طوابير

وحنا بعيد الحـــب نرسل هـــدايا

وين المغازي يالرجــــال المناعر

وين الرجــــال اللي ترود المنايا

وين السوالف والقصص والاساطير

ولا فـعـايـلــكم مــجـــرد حــكــــايا

الوضـــع واضــــح مايبي اي تبرير

في انتهاك العـــرض وذبــح البرايا

شفنا على بيوت المســاكين تدمـيـر

ومن تحتها تعـجـز تعد الضـحــــايا

يموت مـجـمــوعه مع كل تـفـجــير

شيبان وصغــار وشباب وصبــايا

وحنا ورى التلفــاز من دون تأثير

سرد ومهـــايط دون فعل وسوايا


وسلامتكم

بقلم / ماجد الشمري

المصدر: الملتقى الجماهيري للشاعر محمد بن فطيس المري

لله درك ياماجد وصح السانك مليون على مشاعرك الرائعه والجزلة اتجاه اخوانك بسوريا
تحيتي لك

الله الله الله الله
كفو كفو كفو ياماجد

شاعر جزل على السهل الممتنع بيض الله وجهك وصح لسانك
ولك احلى تقييم

الشاعر ماجد الشمري ونعم ب شاربك والمشاكي على
الله انت شاعر في غناة عني وشهادتي بيض الله وجهك
وبس واعذرني على التقصير

صح لسآنك ماجد
والله ينصر اخواننا في سوريه يارب

وحنا ورى التلفــاز من دون تأثير

سرد ومهـــايط دون فعل وسوايا



الله عليك جبتها يا الغاالي
وصح الله السانك وعتلا شاانك جزل وابياات معبره ابدعت فيها
شااكر لك

بدر الشدادي

اشكركك اخوي على روعه تواجدك

لاهنت

عبدالله السناني

اشكرك اخوي على روعه تواجدك

بارك الله فيك

لاهنت

لاهنت ماااجد جزله من راس جزل
بيض الله وجهك

صح لسانك يالشمري
كلمات فاقت الوصف,,
يعطيك العافيه