( اقفى زمان الطيب والناس للناس )

( اقفى زمان الطيب والناس للناس )

السلام عليكم ورحمة الله وبركاته

نتواصل معكم والله يجملنا معكم

يا مشتكي لي من جفا الوقت والناس
ـــــــــــــــــــــــــ ارفع يدك لله .. وبث الشكواي

الناس ما تنجي من الهم والباس
ـــــــــــــــــــــــــ لو قيل فيـهم للـبلاوي مداوي

والوقت لو عنده مفاهيم واحساس
ــــــــــــــــــــــــــ ما شبعت الخرفان .. والذيب عــآوي

وما صار للرديان هيبه ومجلاس
ــــــــــــــــــــــــــ وما حط من بيت الدجاجه نــداوي

البارحه مالذة العين بنعاس
ــــــــــــــــــــــــــ والقلب من كثر التفاكير داوي

اقوم واقعد واضرب اخماس باسداس
ــــــــــــــــــــــــــ في ذالـزمان اللي كثيره بـلاوي

اشوف شي ٍ يتعب العين والراس
ـــــــــــــــــــــــــــ والكبد يكويها من الهم كاوي

قوع الشجر رويا والاغصان يباس
ـــــــــــــــــــــــــــــــ العرق راوي مي والعود ذاوي

متفاوت ٍ شرب الفسايل والاغراس
ــــــــــــــــــــــــــــ لو هي على العد القراح الرهاوي

ودنيا البشر ماهي على ماضي الساس
ــــــــــــــــــــــــــــ ما عاد ياوي للـفـقـير الـغنـاوي

يعتاش من لا يتقي درب الادناس
ــــــــــــــــــــــــــــــ ويموت جيعان العفيف السحاوي

اشوف ممشاها على غير مقياس
ــــــــــــــــــــــــــــــ دايم تخالف طيبين الهقااوي

امس ٍ مشت بلباس واليوم بلباس
ــــــــــــــــــــــــــــــــ ولا نفع فيها كثير الفتاوي

اخذ الكلام اللي من الراس للراس
ـــــــــــــــــــــــــــــــ ماهوب قال فلان وفلان راوي

اما صحيح وكلمة الحق نبراس
ـــــــــــــــــــــــــــــــ واما خطا والهرج صايب وغاوي

اقفى زمان الطيب والناس للناس
ـــــــــــــــــــــــــــــــــ واصبح زمان المصلحه والرشاوي

ولو تشتكي للناس ماطاب لك باس
ـــــــــــــــــــــــــــــــ ماغير ربي يستجيب الشكاوي

وسلامتكم

المصدر: الملتقى الجماهيري للشاعر محمد بن فطيس المري

يعتاش من لا يتقي درب الادناس
ــــــــــــــــــــــــــــــ ويموت جيعان العفيف السحاوي
*****
الله الله الله ... صح الله لسانك مدد بلا عدد ... مبنى ومعنى فاااخر للامانه ... كيف لا وأنت من أل مره .. ونعم ونعم ...
زدنا زادك الله من نعيمه ....
ودي ...

تركيبة شاعر محنك ومر بتجربه

بالفعل اقفى زمان الطيب والناس للناس اليوم صار زمان نفسي نفسي

صح الله لسانك يامحمد المري وبيض الله وجهك يابعدي

تحياتي لكـ اخوك هياف السبيعي

يالبيه والله يالشعر اللي مثل هذا
ماشاء الله عليك محمد
وصح لسانك شاعرنا
من غير قصور بالشعراء لكن قصائدك
تعيش القارئ جوووك
الله يحفظك يارب . . .

صح الله لسانك وبيض الله وجهك يبو حميد قصيده جزله من راس جزل

اخذ الكلام اللي من الراس للراس
ـــــــــــــــــــــــــــــــ ماهوب قال فلان وفلان راوي







صح السانك مليون قصيده تستحق الشكر عليها كلام ثمين وصحيح الشكوى لغير الله ماتجوز..





اعجابي وتقديري وتقييمي...

اي والله
ونشهد انك صادق
صح السانك يبعدي

وانت سالم وغااانم

ولو تشتكي للناس ماطاب لك باس
ـــــــــــــــــــــــــــــــ ماغير ربي يستجيب الشكاوي

ان اشهد بالله الشكوى لغير الله مذله
محمد صح لساانك وبيض الله وجهك
تحيااتي وتقديري وتقييمي++

محمد بن عبدالهادي المري
اطلالهُ حضورك بِ مثابة ضياء القمر في كبد السماء وعبق حروفك
كَ أنفاس الورود حينما ينتشرٌ عبيرها في الأرجاء كلماتك الجميلة نبعت
من عميق أحساسك الفريد لِ ذلك لا أجدُ ألا الورود النرجسية هي من يشكرُ
لك شعرك وشعاريتك ونورق كلماتك بِ عبير أنفاس الورد
أمنياتُ الخير والسعادة لروحك الى أبد الدهرتقيمي

اقفى زمان الطيب والناس للناس0 واصبح زمان المصلحه والرشاوي
انشهد صح السانك يامحمد ملالاين كتبت فابدعت فاجزلت يالقرم
تحيتي لك