قصيد القلب ( اهداء لك )

قصيد القلب ( اهداء لك )

بسم الله الرحمن الرحيم
السلام عليكم ورحمة الله وبركاته
قصيده جديده لم تخرج من سياق قصائدي السابقه من حيث المعنى والتركيب
كل ما اتمناه ان تحوز على رضا كل من يقرءها :

ياقصيد القلب وفَر مابقى=مابقى لك فالهوى شف وغناه
كل حرف(ن) يتبعه هم وشقى=يكتبه دمعي على خدي وصاه
من هجر قلبي على وضح النقى=والله ان الموت اهون من رجاه
لو فوادي ذاب في رجوا لقى=مارضيت النفس تمشي في رضاه
والله ان القلب صدَق ماهقى=قال مظنوني نسى بيت(ن) بناه
قلت مظنونك زرع زرع وسقى=غير ليته مازرع زرع وسقاه
يزرع الضيقه وبالقلب اتقى=لابغيته جر قلبي في تقاه
دمع عيني مثل رجلي في اللقى=ماثناه الوقت من شيء(ن) بغاه
لايحسب الدمع لاحول رقى=لاتعدى الرمش ماعود وراه

وسلامتــــــــــــــــــــــــــكم

المصدر: الملتقى الجماهيري للشاعر محمد بن فطيس المري

يسلم تمك يا ابن العم
رائع يالمشعلي ان ما خاب ظني انك مشعلي!

لايحسب الدمـع لاحـول رقـى
لاتعـدى الرمـش ماعـود وراه

الله الله عليك ختاام مسك ياعبدالله ,,

وعليكم السلام ورحمة الله وبركاته ,,

ياهلا ويامرحبا ياعبدالله حياك الله ,,

صحيح قصيده مختلفه ونلاحظ التميز يتكرر يالقررم الله لايضررك,,

صح الله لساانك وصح قلبك وكلك والا الامااام يالغالي انت قمة أبداع,,

تحياتي وكل تقديري لك.

يا سلام يا عبدالله
نص فااخر وزااخر بالجزاااله والعذووبه دقة التوظيف
فسلم راسك وصح الله السانك وحالك وقلبك ولاهنت

صح لسانك عبدالله
ابيات قمه فالجمال
الله يحفظك يارب

صح الله لسانك يا ابو عابد وبيض الله وجهك

مبدع وابداعك في تزااايد

صح السانك وقلبك ياعبدالله مليون ابيات رائعه
تحيتي لك

دمع عيني مثل رجلـي فـي اللقـى-ماثناه الوقت من شـيء(ن) بغـاه
اعتقد ماحد سبقك بمثل هذا ياعبدالله صح الله لسانك ولاهنت

صح لسانك
مدد بلا عدد

لاتقطعنا من جديدك المنتظر

صح لسانك واعتلا شانك
القحطاني ودي وتقديري