اعذرونا على البطى .. ومصآفحه غزليه !

اعذرونا على البطى .. ومصآفحه غزليه !

أبطيت من هذا القسم...


السلام عليكم ورحمة الله وبركاته
ومساكم الله بالخير
انا بعطيكم ذي القصيده وسالفتها..
طبعا القصيده غزليه
واسندتها للشاعر مهدي المكاييل
كنت مسافر الى احدى المدن السعوديه الكبرى بعد صلاة الفجر
حيث كان اليوم الوطني في نفس يوم رحلتي
المهم مرت من جنبي امراه ملفته للنظر سواء في جمالها او لبسها الاخضر

كان يومها وطني
من سوء حظي انها ركبت جنبي

ومحاولاتي رح تشرحها القصيده

يالله دخيلك من تمزّآع الاضلاع=القلب ياربي تزايد وقيده
سآعٍ يدك الهم!والقلب له ساع=وعبيد تخنق حاجته في وريده
يوم اعتلت شمس الضحى فالسما باع=عرّض لقلبي ما يزّود رصيده
شيٍ على شهب السباريت مرتاع=وشيٍ هدني فالفجوج المديده
ان جيت له بالصاع جاني معه صاع=وانت جيت بايدي مايجي كون بيده
سلام ردّه بين الاجواد ماضاع=يلهد جروحٍ فالحشى مستزيده
يغشى سليل امعشيّ السبع لا جاع=نابٍ بنابٍ والحديد بحديده
يبو علي ! قلبي مع اهل الغنج ضاع=يتبع هواه ولا نفع فيه قيده
لامن عرض له جادلن ذب الارياع=يبدع طواريقه ويفتل جديده
يثر على نفسي وللنفس ردّآع=اما يبيد النفس ولا تبيده
يبو علي قلبي لما هب ذعذاع=يفتق عراويه وقدهي خميده
خآيلت زوله بين دخله ومطلآع=واشتّل شوفي بآرقن حل جيده
جسمه ورسمه لا زمى يكشف القاع=مزمى الوحش لي لآح فالعين صيده
ولامن مشى! قام يتهزّع تهيزآع=حده شبر! وان ما نقص ما يزيده
مخنوق محزم لا كلى لا ولا جآع=يازين شوفه في غلاف الجريده
ولامن فرد كفيه ثم طق الاصباع=تحطمت كل القلوب البليده
شريت قربه لكن الترف ما باع=واقفى وقلبي ما قدرت استعيده
واليوم جيتك وانت يا صآح فزّآع=ياسعد عين اللي يحطك عضيده
أكتب لي امن حروفك اشكآل وانوآع=مثلك يداويني حكاه وبريده
البعض طآع وتآلي البعض مآطاع=تختم قصيده! ثم تبنى قصيده

طبعا الرجال قد ارسلي قصيده ورديت عليه انه يعرس ويكب العزوبيه
فكان رده مماثل ولاكن بشده...

البارحه ليلي غدا انصاف وارباع=بين الظنون وبين الاريا السديده
خذيت في راس الطويلات مزواع=ما ابغى القريبه طامعٍ فالبعيده
حتى قطفت ازهار من سفح الابداع=واختار منها خاطري ما يريده
يامرحبا ياوافي الشبر والباع=ترحيبتن تمشي على الدرب سيده
من طيبها تجذب لها كل الاسماع=اما توفيّ الكيل ولا تزيده
وماجور يا قلبٍ من الغيد ملتاع=وبانت مواري لوعته في نشيده
خآيلت زوله بين دخله ومطلاع=لسآن حآل عبيد ! واقول ميده
لو كل طمعه حاشها كف طمّآع=كان الليالي كل ابيها سعيده
قبلك شكيت العش والعشق نزّآع=دربه صعيبن والمواجع اكيده
واللي يطيع النفس في بعض الاسناع=يندم ومحبوك المصايد تصيده
ياعبيد ! ما انته للمقفين تباع=ويش الذي من تبعته تستفيده
لا قاضين حاجه ولا باري اوجاع=واللي نقوله يالسنافي نعيده
عوّد على عد الروى عقب مهزاع=سنه نهجها اهل العقول الرشيده
من نسل عجلب لابتن ذكرها شاع=تلقى الكسيبه والوصوف الفريده
بنت اللذي في ميلت الوقت جزاع=ياتي ولدها تعتزي به بديده
فاما صحى قلبك وللنصح تنصاع=ولا كسرنا فوق راسك جريده

وسلامتكم جميعآ..

المصدر: الملتقى الجماهيري للشاعر محمد بن فطيس المري

لاباس صحت الالسن