مهرة بــــــــــــــــــــدوي..

مهرة بــــــــــــــــــــدوي..

اقدم لكم انامهرة بدوي مصافحتي الاولى في منتداكم واتمنى ان تنال على اعجابكم ..

تقول المهره اللي كفها يسبق هبوب النود
..............................انا ماني من اللي يتبعن افلان وفلاني

انا بنت الرجال اللي تفك الذود يوم الذود
..............................وانا اللي رافعه راسي لاقالو فعل جداني

عريبة ساس مصيونه وقلبي كنه الجلمود
..............................غطاي الستر والحشمه وذكر الله على لساني

الا يالله يالعالم والا يالله يالمعبود
...............................تثبتني على دينك وترحمني وترعاني

أنا جبت القصيد اللي يبعدني عن المنقود
...............................واذا شفت القصايد عوج قلت الله لايبلاني

قصيدي من صميم الفكر يقدح كنه البارود
..............................على معنى وقاف ومتزن مع كل الاوزاني

واشوف اكثر ينابيع القصايد دخلها محدود
..............................وكلن جاب له عوجا وقال الماد ميداني

الا من يبلغ الميدان عن بنت ٍ تكود الكود
..............................على عز وشرف ياقف لها القاصي مع الداني

انا ماني بمهره كان ماقدت القصايد قود
.............................وجاتك فالخزامى تتطرد وتهز الاركاني

يازوار الخزامى دوم خلوكم علي شهود
.............................انا جيت انتصر للشعر يوم الشعر ينخاني

ابكتبهن فرايد وابذل الكامل من المجهود
..............................واعلقهن على صدر الشعر كان الله احياني

المصدر: الملتقى الجماهيري للشاعر محمد بن فطيس المري