كيبورديه مصافحه أولي بسيطه

كيبورديه مصافحه أولي بسيطه

][
.
.
.
.
.

خفّف علي شوي .. يابو لثامه
الصبر فيني .. يا أريش العين محدود
.
.
خفّف .. وخلك مثل جو الحمامه
مهما أبعدت عني .. مع الوقت بتعود
.
.
الصدر .. لا صديت تكثر سهامه
والنور .. نور العين ماهوب موجود
.
.
لولا الغلا والود .. مابه ملامه
لولا الغلا والود .. ماني بمقرود
.
.
لولاك .. ما مريت صوب المنامه
لولاك .. ما ضني هذاالشعر مولود
.
.
منك حصل ع الخد .. منك علامه
منك شكيت الهم .. لعبيد وحمود
.
.
صاحبك .. يظهر للسنين اهتمامه
وجيهها بيضه .. وقلوبها سود
.
.
ما شفت بالدنيا .. معاها انسجامه
ولا شفت بالدنيا .. فوانيس وورود
.
.
ياصاحبي .. صاحبك يختم كلامه
ابيت شعرٍ .. من عنا القلب موقود
.
.
المشكله .. ماهي بدنيا القمامه
المشكلة .. جزءٍ من القلب مفقود

.
.
.
.
.
.
][

المصدر: الملتقى الجماهيري للشاعر محمد بن فطيس المري