الشجر ماهو يدنق للشروب=عادته يآتيه من تحت قدمه

الشجر ماهو يدنق للشروب=عادته يآتيه من تحت قدمه

ماخبرت الصبح يظهر من جنوب=لين جاب الدرب ذيك المسلمه

أبتهت .. وحرت في ذيك الدروب=من جمالٍ جل رب ٍ قسمه

جسمها متناسق ٍ من كل صوب=خلقت الله .. كنها متحزمه

ياكثر ماخذت منها من ذنوب=عآريه جتني .. وهي متحشمه

قالت : أنت شفيك ؟ حآسب لاتذوب=والزم حدودك .. وحدي بآلزمه

والله إنك مابعد خضت الحروب=حدك كتابك .. وذيك المقلمه

قلت : أنا ؟ قالت : ولا عندك أسلوب=صدق .. لاقآلوا .. إبدوي وش فهمه !!

قلت يوم الصبر نحى للغروب=ويوم صار النور ظلما معتمه

غير الموجه خفوق لك طروب=عقب ماقلبك تجرى وحشمه

ما أستحيتي لابس ٍ غتره وثوب=تشتمينه قبل لايفتح ثمه

إبدوي يابنت ما أعرف الهروب=والمعآدي يا أموت أو أهزمه

وأنشد الصادق ولا أحب الكذوب=والردي لو متْ والله ما أزهمه

وأحمد الله كل ما هب الهبوب=علم الإنسان مالا يعلمه

الشجر ماهو يدنق للشروب=عادته يآتيه من تحت قدمه

وعادت الماء لو يرَوب مايرُوب=والعقارب من وطاها تلطمه

ولا أشملو ربعي قنصت أقصى الجنوب=وماحد ٍ لَطخ سلاحه في دمه

لعن أبوه إللي ليا أذنب ما يتوب=ولعن أبو فرد ٍ يثور بمحزمه

شاعرها : عبدلله بن حمد ال فطيس المري

المصدر: الملتقى الجماهيري للشاعر محمد بن فطيس المري