قصيدتي في الابل

قصيدتي في الابل

هذه اول مشاركة لي في منتدى الشاعر الكبير محمد بن فطيس

قصيدة متواضعة اتمنى تحوز على رضاكم

قلبي اللي ياخلف من عراوية محشوش = صايبة يامسندي من هواجيسة خبال
ماتغنى فالتجارة وتجميع القروش = ولا اخلفنة سادت الحسن ربات الجمال
السبب وضح(ن) تهوش الوطى بالمشي هوش = مايهمه كودها لادقاق ولاجلال
والبلاء لاقيل حايل ذكر يمة رشوش = واقتحم وادي الرمة وذكروا فيحان سال
والعلوم عن الحيا جت تناقلها الطروش = واوجهو بدو الجزيرة ووجهتهم شمال
قام قلبي للمحادير والممشى يشوش = البداوة منوتة والتمشي فالعبال
عزتي للي يقابل مربطة العفوش = جالس(ن) بين النسا والخدوش من الرجال
ينسدح حض الفتى لو يحوش المال حوش = كان مالة مع هل الشول نوقات(ن) جزال
الاناسة والطرب يامجمعة القروش = سجة الخاطر مع البدو لومالك حلال

وسلامتكم

الشاعر / مزحم العتيبي

المصدر: الملتقى الجماهيري للشاعر محمد بن فطيس المري