ردي على قصيدة الشاعر فهد البقمي

ردي على قصيدة الشاعر فهد البقمي

السلام عليكم

وهذا ردي على الشاعر فهد
ثامر البقمي واعتذر منه ومن المتابعين
والنقاد




ي مرحبا مليون وأحلا تراحيب
""""""""""عشرٍ تباريله وعشرٍ قباله

يامرحبا ترحيب شيخ المعازيب
""""""" لاشاف ضيفٍ من بعيدٍ عناله

بالشاعر اللي خصني بالمكاتيب
""""""""القول وافي والمعاني جزاله

حييت يانسل البقوم المعاطيب
""""" اهل الكرم والجود في كل حاله

كمٍ غريم عيوفه المشاريب
"""""""برماحهم وسيوفهم والصماله

من حاربوه يجنب الدار تجنيب
"""""""وخلوه طوعٍ خايف من ظلاله

من شان ابو ثامر *علينا مواجيب
"""""""فل الحجاج ودن طبع الرساله

من بعد ذا عندي على النص تعقيب
""""""""""والله يقدرني برد الجماله

حب العذرى سيرةٍ مابها عيب
"""""""""ولا فيه عبدٍ يدعي بالكماله

وبعض الظنون ظنون وتصيب وتخيب
"""""""""وكلٍ يفسرها على ما طراله

وحدٍ يناور والهدف منه قريب
"""""""""وحدٍ يمين العلم وحدٍ شماله

ولا المحبه ماتجي *بالمشاعيب
""""""""""سعيد حر وعزته راس ماله

ولي نفس ما يرقالها الشك والريب
""""""""واللي معا المقفين مالي وماله

واللي محازمهم رصاصٍ مكاذيب
"""""""تكشف خفاياهم وجيه الشكاله

خوفي من اللي يشذبون *العراقيب
"""""""ولا ودي *أعاتب *فهد من مقاله

ترجمتها لك وانت ذئبٍ ولد ذئب
""""""""""""البحث مايطلع بليا دلاله

تم الكلام *وجاك ردي على الويب
"""""""علمٍ جوابه حسب صيغة سواله

وعلى الود المحبه نلتقي

المصدر: الملتقى الجماهيري للشاعر محمد بن فطيس المري