قصيده موجهه لـ اخوي خالد العبيريد

حياك الله يحيى مره ثانيه وصح الله لسانك ولاهنت ,,

جميع من حضر حياكم الله ولاهنتم على حضوركم المضئ ,,

ترى طرق شعري يارفيقي شفاويه=وفي معانيه علوم ن مداويه
عشقته وحتى هو عشقني ولا تلف=حروفه معي مركازهن بالعلاوويه
أغني طواريقه وحزني بشدته=ويدي بحرفي ما تراخت رجاويه
يخالد همومي من عشيرن صفيتله=وعيني على فرقاه هلت نعاويه
يصعب الحبيب اللي بقربه عواذلك=معذب عذاب وما تراخو حكاويه
طلبتك تعلمني دواهم وضبطه=يكفي خفوقي من جروح البلاويه
أعرفك خبير ن في معاني مخلده=وفي شعرك الوافي بيوت ن رهاويه

المردود وعساه يجمل في مقام القصيده ,,

للشعر وطروقه هجوسي مهاويه=من حينها لـ جزل المعاني مخاويه
يحضن جناب الشعر عالي شموخها=وامست على مردود يحيى امتساويه
الاوله ترحيب طيب ٍ ومقدره=كل الوفاء لك يدفعه من زهاويه
والثانيه شكواك حلت بحزنها=على ضميري والمشاعر سماويه
يحن قلبي والجوارح تجاوبه=وضلوع صدري من شقى القلب عاويه
مير الهوى كايد وخطره وهايقه=كم عاشق ٍ به ماحصل له سلاويه
قبلك شكيت الحب واجرع مرارته=وجمرة غرامي في حشا القلب كاويه
انا معك والسالفه من دليلها=مادام يايحيى مشاعرك قاويه
ماينفع العاشق وشكوى مصيبته=ياكود صبره للظروف القساويه
لاكن لاتشكي عواذل زماننا=ناس ٍ على درب المحبين غاويه
شكواك هي غاياتهم مع رضاهم=ناس ٍ على فعل الرديات هاويه
الصبر سيف ٍ من قضبه وتعلقه=تقوى عزومه قبل ترقى رقاويه
خلك صبور ٍ فاليال وظروفها=مدام يايحى مشاعرك قاويه

وسلامة قلبك وكلك .