لعنبو من تامرينه ولا قال ابشري

لعنبو من تامرينه ولا قال ابشري

بسم الله الرحمن الرحيم

أعزائي الكرام السلام عليكم ورحمة الله وبركاته

أحييكم تحيه معطره بالمسك والريحان ويسعدني

ان قدم لكم ابيات متواضعه امل ان تحوز على

رضاكم كثير مايجيني على التقييم عتاب من الاخوه

يقولون قصائدك كلها هم وحزن وا

المسار شي بسيط


ياخجول الطرف واسهم من عينك جري
..................ويش ذنب المسلم اللي بحاله تبتليه

لعنبو حيك ترا عيشتي بعدك شري
...................كل شي يسعد الحال نفسي ماتبيه

اه واعزي لحالي وياقل سفري
......................كلما شافت عيوني مكان ماتجيه

لاتجاوب ليه كنك من طعوني بري
...............لي ثلاث سنين ذي حالتي ماقلت ليه

لارييعً مرني لاخريف ولاصفري
............كل وقتي قيض من مابصدري محتويه

تدري ان من بعد فرقاك ما الراس بصري
..................من جنون يعتريني معاد اشك فيه

ليت ربعك يقبلون الوساطه وشتري
.............ولله ان يرخص لك المال وتهان الوجيه

لاذهب لاماس لامن حرير ولا زري
...................كل شي جعله افداك يالدر الجنيه

لعنبو من تامرينه ولاقال ابشري
...................لوتحدينه على شي مايقدر عليه

وسلامتكم

المصدر: الملتقى الجماهيري للشاعر محمد بن فطيس المري