رشيد الزلامي & عبدالحميد الفهمي

رشيد الزلامي & عبدالحميد الفهمي

رشيد الزلامي

سلامي يا اهل الحله اللي كلها طيب وكرم = ياطيب عادات العرب واعلومهم ياطيبها

الليله الليله نبا نمزح على شاعر فهم = مزحه نظيفه شاعر المطران مايدريبها


عبدالحميد الفهمي

يامرحبا ترحيب وافي في المحل المحترم = ياطيب رجلاً زين زينات العلوم يجيبها

امرار لا مالك لوى وامرار يا الروقي نعم = نارد ونصدر والصدور الله يعلم غيبها


رشيد الزلامي

ياصاحبي عبدالحميد ان طعتني حث القدم = وانحر مذر الشمس وانت الطيبه تحريبها

وان كان قالو وين رايح قولهم على شحم = ابغا الرياض العاصمه واصبح بها وامسيبها


عبدالحميد الفهمي

رشيد في قصر الرشيد ان قلت هيا قال تم = والصبح بكره شي يخطيها وشي يصيبها

مالي ولا مسكان في دار الظلايم والظلم = عن عيبها تدري ولاتقدر تعدل عيبها


رشيد الزلامي

ما انته بخاسر لك خساره كلها جرت قلم = وانا رفيقك لو على دربك حصاه ارميبها

قدامك التجار والفلاح وارعات الغنم = والهضبه اللي كل ما امسا الليل يعوي ذيبها


عبدالحميد الفهمي

اسمع كلامك زين واشهًد عليك اهل التهم = بكره تبا تلفي ضيوفك كثرو ترحيبها

وان قيل لي بعض السوالف قلت حكماً من حكم = لكن لاتخلف مراتبها ولاترتيبها

رشيد الزلامي

ان كان طاوعت النصيحه والله انك في دسم = ما اقول ابا اسوي بخلق الله وابا اسويبها

بس انتبه يارجل لا تاخذ عصاك من السلم = خذ لك عصاةً يرقد الرجال ويهذريبها

عبدالحميد الفهمي

اخاف من ميل الدما واخاف من بيع الذمم = واخاف من ميلات اصاحيبي مع اصاحيبها

وانا عصاتي يالزلامي من سلم من ذى القدم = والله مايلحقني على هذي مسبه سيبها

رشيد الزلامي

حنا نعرف احمد نجادي ويش سوى بالعجم = لكن انا صاحبك لو ضاعت عليك اجيبها

وان كان ما اصدق لك بوعدي ما على الدنيا طعم = وشيب عيني من دهاويل العرب وشيبها


عبدالحميد الفهمي

ابنتظر واشوف وان طاح العلم طاح العلم = امور غيبيات يارجال ماندريبها

المصدر: الملتقى الجماهيري للشاعر محمد بن فطيس المري