قـــصــــيـــدتــي ورد الــشــــاعـــر بــنــيــان الأســــــود..

قـــصــــيـــدتــي ورد الــشــــاعـــر بــنــيــان الأســــــود..

السلام عليكم ورحمة الله وبركاااته..
من الشعراء اللي احرص على متابعتهم الشاعر الكبير ((بنيان الأسود الشمري))
المهم بيني وبين الشاعر علاقه اتصالات وتبادل رسائل ومحاورات..

فأرسل لي رساله يسلم علي فيها ورديت عليه بقصيده..

وصلني منك مراسيل السلام
ياجعل كل العوافي تاصلك
شاعرن مبدع ولو قل الكلام
وقلبك الطيب لشعرك حاملك
اكتب الأبيات وبكل احترام
للذي تشهد له انجوم الفلك
شمري جدانه احماة الجهام
ويفتلون الحبل لامنه اشتبك
ويقسمون الصف لازاد الزحام
والقوي لاشافهم جاه الربك
وآخر المنطوق لاوصل الختام
ياجعل رب البشر يشتاق لك

فـــرد عــلـــي وقـــال....

مرحبا بك ياكريم ابن الكرام
طيبن والطيب من طبع اعربك
لك معزه ولك تحيه واحترام
ياوفيّ و بالوفا محد اغلبك
والله انك من رفيعين المقام
وبالعرب مشهور اصلك وانسبك
قاله اللي مايخاشي بالكلام
تعجبه بالقول ولاقال اعجبك
الخوي في سلمنا له اهتمام
لو طلبت الصعب جيتك بطلبك
ما انام الليل كانك ماتنام
وافرح لشرواك واغضب لغضبك

وســـلامتكم...

المصدر: الملتقى الجماهيري للشاعر محمد بن فطيس المري