قابلت في دنياي ناس كما اشواك - الملتقى الجماهيري للشاعر محمد بن فطيس المري

#1 07-24-2012, 10:41 AM

السلام عليكم ورحمة الله وبركاتة
اول شي الشهر عليكم مبارك وكل عام وانتم بخير

وثاني شي سامحونا على الانقطاع هاليومين

وهاذي ابيات وجهتها لواحد من الربع ورد علي

اقول

ياصاحبي مشعل عسى اللاش يفداك
وياجعل ربي يمد عمرك وانا اخيك

يالنادر اللي خاب منهو تحداك
يامزبن المضهود لاصار ناصيك

قابلت في دنياي ناس(ن) كما اشواك
ماتنبغى بريال ... لو كان تبغيك

تقفي ليالي .. ثم ترجع ترجاك
ماله مع الاجواد وجه(ن) يوريك

وشهي سواتك ياصحيبي ليا جاك ؟
عطني جوابك جعل ربي يعافيك

رد هو ويقول

يامرحبا واعداد ماحل طرياك
ياللي على درب الشكاله خطاويك

يامحزمي وقت اللقاء ... كاعم عداك
ياللي عن الهزلات مبعد مماشيك

اما الردي ياصاحبي .. جعله افداك
ماهوب شف(ن) ولاهو مخاويك

على المعزه شايبك دوم ضراك
ولا الردي ماهوب قادر يجاريك

ألزم رفيق(ن) لانصيته تلقاك
فالضيق ولا فالرخا مايخليك

وسلامتكم

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)