يقولون مايبكي من الحب رجال - الملتقى الجماهيري للشاعر محمد بن فطيس المري

#1 07-29-2012, 06:02 AM

قصيده للشاعر الكبير مشعل حسين المرشدي العتيبي

كتبت الكلام اللي طرالي على البال=وكلامن كتبته جا على كيف حبكي
يقولون مايبكي من الحـب رجـال=وأنا أقول لازم مولع القلـب يبكـي
لياضاقت الدنيا من الجـال للجـال=ياعين الشقاوي عارفً وش سببكي
يبرد لهيب القلـب دمعـك لياسـال=لون المشاعر هي سبايـب تعبكـي
وأنا ذقت حر الشوق والشوق لازال=يتل الخفوق وقـام يسقـي هدبكـي
سبايب هنوفً يمهـا القلـب ميـال=لاهي من بني عمي ولاطرح شبكي
ليا ابطيت ماناظرتها جاني اهبـال=ولاشفتهـا ياعيـن هـذا طربكـي
مغير اترجا شوفهـا وعقـد آمـال=وحلو الكرى من كثر شوقي حربكي
وعلى طول ليلي مابقي عضو ماقال=سلامات ياعينً من الهجـر تبكـي
وقول الحقيقه كلمـة الحـق تنقـال=ترى دايماًً ومولـع القلـب يبكـي

الشاعر مشعل المرشدي

.

المصدر: الملتقى الجماهيري للشاعر محمد بن فطيس المري

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
الانتقال إلى العرض العادي الانتقال إلى العرض المتطور العرض الشجري

الذين يشاهدون محتوى الموضوع الآن : 1 ( الأعضاء 0 والزوار 1)