شيلة ماهو بكفو الوقت للشاعر محمد بن فطيس .. أداء أحمد الرشيدي

شيلة ماهو بكفو الوقت للشاعر محمد بن فطيس .. أداء أحمد الرشيدي

السلام عليكم ورحمة الله وبركاته ..



ليس غريب عليكم فقد اتحفنا من قبل بصوته الجميل الهادئ وأحساسه الطاهر ونبراته التي تلامس الوجدان .

مبدعنا ولا يهون الباقين .. أحمد الرشيدي يتحفنى من جديد بشيله بأحدى روائع ابو حمد .. وهي قصيدة ماهو بكفو الوقت حبك يمحيـه


هنا ..أسعد بتقديم هذه الرائعه من مبدعنا العزيز ..فلا تحرموه من التقييم والنقد الهادف البناء الذي يطالب به وبشده ..

كل هذا من أجلكم فقد حرص مبدعنا على التواجد والاستمرار لما حضي به من قبول صدوركم وسعتهاا لطرحه وبين ذالك بقوله لن اوفي اعضاء هذا الصرح أبداً... فوقوفهم وتعليقهم على طرحي يثلج صدري دوما مما يدفعني الى إن اعمل جاهداً ودوماً لكي ارد ولو جزئ بسيط من تشجيعهم المتواصل.. لكل ما اطرحه ..

..
وانا وبأسم طاقم ومشرفي واداري هذا الصرح .. نشكر الاخ احمد الرشيدي ونعده ونعد كل من يقدم العطا للصرح ان نبادله العطا وإن ندعم كل من يستحق الدعم ونقول للجميع الى الامام بتوفق الله تعالى ودعوات اخوانكم واخواتكم ..


أترككم مع جديد مبدعنا والتقييم أمانه والتعقيب هو الصدق لابد النطق به فلا تحرمونا تعقيبكم ولا تقييمكم له





ماهـو بكفـو الوقـت حبـك يمحيّـه
ياللي تخـاف صـروف الايـام تمحـاه

ارتـاح ..مـادام المواصـل يقـوّيـه
انت انت..وانـا انا..وقلبـي هـو ايـاه

حتـى ولـو بتغيـب ذكـراك تكفيـه
ياواحـدٍ تكفـي عـن النـاس ذكـراه

حبك علـى رملـة خفوقـي مواطيـه
ورياح عذلني عنك مـا تمسـح خطـاه

واللي يعذل القلـب عـن درب غاليـه
الله بمـا يـبـلا الموالـيـف يـبـلاه

اخفيـه يابالفيـت والـحـال يبـديـه
ادنـاة واحـد ينظـر الحـال يـقـراه

مخفيـه فيـه ومعتنـي ٍ بـه وحاميـه
من كـل عيـن ٍ ودهـا تنـزل حمـاه

قلب ٍ يحبـك والهـوى الـذرب ماليـه
كانـك مكذبنـي ؟؟ بعينـك تـحـلاه

شرط ٍ تشوفـك فيـه منـت بحواليـه
ويمكن تشـوف ديـار واماكـن ارعـاه

وبتشوف بـه تمثـال والوقـت هاريـه
وبتشـوف زرع ٍ ميـت وواقـفٍ مـاه

وبتشوف جـرح ٍ فيـه سكيـن راعيـه
راح ونسـى السكيـن والجـرح ينخـاه

وبتشوف حصن ٍ عـج الاقـدار سافيـه
وبتشوف باقـي بيـت راعيـه خـلاه

لا تنزعـج هـذا خفـوقـي وباقـيـه
ولا تضايـق مـن تصـدع زوايــاه

قـد زلزلـه فرقـا وهـزت عراويـه
والله ستـر والحـظ عـانـه وعـافـاه

وكانه صلح لك واعجبـك زيـد تبنيـه
ابـنـه وجـهـز للمقابـيـل مبـنـاه

ابغيـك بـس مـن المفـارق تداريـه
وازهل من يـداري شعـورك ويـدراه

وحلـل وحـرم فيـه يابـرك بلاويـه
وحلّه وراع رضاي ورضـاك ورضـاه

جعلك بعد بعض الوجيه ... امحق وجيه
نـاس ٍ مراتعـهـا الرفـيـق بتقـفـاه

انـواع واخطـر نـوع مانـي بناسيـه
نوع ٍ علـى تفريـق الاثنيـن مسعـاه

تلقـاه دوم وكــل يــوم ٍ تلاقـيـه
والى بغيتـه صـدق مـا عـاد تلقـاه

ولا انت ردك كل ما ادعيك.. (( لبيه))
انشهـد ان منتـوا بفيعيـنـي اشـبـاه

منت بمع العالم ولا تقـول لـي.. ليـه
انت ادرى منـي وش جوابـي وفحـواه

كذيـه... ومـن الله يـازيـن والـيـه
واغلا طـروش القلـب ودواه مـن داه

الحلـم ياتينـي بـزولـك واراعـيـه
وفـي كـل حلـم اقـوم قبـل اتحفـاه

اعشق سميك فـي البزاريـن وادعيـه
واقبـل خطـاه الـى اخطـا واتلـقـاه

واسمـك يروعنـي الـى مـر طاريـه
واحـب ملقـوف ٍ يسولـف وطــراه

وامـر بيتـك مـن بعيـد ٍ ولا اجيـه
وانـا لونـه فـي يـدي مـا اتـعـداه

حتى (تواير) (موتـري) تلتفـت فيـه
تبغي تلـف ويستحـي العقـل والجـاه

وصلك يخيط الصـدر والبعـد يفريـه
ويابري حالـي كـان صديـت بريـاه

ويلي علـى ادري حبنـا ويـش تاليـه
وويلي على ادري وش ورى الغيب ويلاه

عشـان اشـوف اذا محبتـك ..ترفيـه
والله لا اقفي عنّك....... واستغفـر الله


تحياتي

المصدر: الملتقى الجماهيري للشاعر محمد بن فطيس المري