عمر الجفاء مايحطمني ويغلبني --- وبالمختصر مانت لا مكة ولا القبله

عمر الجفاء مايحطمني ويغلبني --- وبالمختصر مانت لا مكة ولا القبله

ياشوق لو قلت ياوجدي وياغبني --- ولو سال دمعي على المزمار والطبله

ياتكسب العشق في عيوني وتكسبني --- وتحرص على حب لا بعده ولا قبله

ولا تمرد على حبي وجربني --- وشف كيف صبري يبيح وينقطع حبله

والشوق مهما كسر قلبي وعذبني --- ولو هو تجاوز بكى عنتر على عبله

مجرد رياح تعصف بي وتجذبني --- وطيور غصنٍ تراقص له وتلعب له

وحروف شعرٍ تهجاني وتكتبني --- وهي عندي اقرب من المسباح والدبله

يعني تراء مانت مالكني وكاسبني --- مادامت الكبد لا ذا الحين مندبله

وعمر الجفاء مايحطمني ويغلبني --- وبالمختصر مانت لا مكة ولا القبله

المصدر: الملتقى الجماهيري للشاعر محمد بن فطيس المري