الحب شاطي ،، والعواذل سفينه

الحب شاطي ،، والعواذل سفينه

السلام عليكم // صبحكم الله بالخير ،،

أبيات قديمه لي ، ومتواضعه ،، للتواصل فقط ،،

‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘ ‘‘‘‘‘‘‘‘‘‘‘‘‘


الوقت قـاسي ،، والليالي حــزينه
والقلب يشكي ، من فراق المحبين



والعشق دوله ،، والمشاعر مدينه
والشوق جمره والجفا طعن سكين



والحب شاطي ، والعواذل سفينه
والقلب عمره ماجمع حب شخصين



والحزّن دايم ، والسعاده سجينه
والجرح لاجا من حبيبك ، بجرحين



والصبح يكشف ، كل ذكرى دفينه
والليل ، فرصة وصل مابين قلبين



والبعد يجرح ،، والشماته غبينه
وأكبر قهر فالحب ، طرّد المقفّين



وش حيلة اللي ضاعت أجمل سنينه
وش حيلته ، لاصار يشكي من البين ؟



ياللي خذيتي روحي ، عندك رهينه
داخل على الله ، فالهوى لاتسلّين



يابنت ، هذا الوقت ،، لاتضمنينه
واللي يبيع الحب ،، ينباع بعدين



ترى الكرامه ، راس مال وثمينه
ياظالمه ، جرحك في قلبي له سنين



دامك في حبي والغلا ، مستهينه
أنتي كذا ، شوهتي دنيا المحبين



وسلامتكم
،

المصدر: الملتقى الجماهيري للشاعر محمد بن فطيس المري