قصيدة محمد بن حمد في الأمير سلطان بن عبدالعزيز

قصيدة محمد بن حمد في الأمير سلطان بن عبدالعزيز

اوميت بايدي للقوافي والاوزان
وانشت سواد الغيمه المدلهمه

وتزبرت فوقي معاني وقيفان
تدور بي كنها على الراس عمه

وهلت على الدفتر بالابيات والدان
والدان في دفتراً ماجاه مني يضمه

اوميت خمس ونص قدني مسيان
وقبل العشى قد روض الاراق جمه

ونبت الورق ورداً له اشكال والوان
المستمع يقرب وباذنه يشمه

واسرجت من خيرة هواجيسي حصان
هو منوة الفارس نهار الملمه

من مربط الخوه ومن خيل الاحسان
ينومس الي يسرجه في مهمه

من طيب نية فارسه ماله عنان
دربه على خير النوايا يزمه

يامرحبا يا سيل الامجاد سلطان
في ذمتي ماهو بتهويل ذمه

ياسيل مجداً سايلاً عبر الازمان
حتى الجبل لا جى بدربه يطمه

يامزبن الخايف سلايل قهيدان
اللي عدوه في الملاقى يسمه

عبدالعزيز موحد الدار شامان
اللي جمع شمل القبايل ولمّه

عيونه الميزان ويديه وديان
وعظامه الفولاذ والطيب دمه

يا مرحبا يا أمير في كل الأحيان
يكفيك دارك للمسلمين يمه

والله ثم والله منتوا بضيفان
يقوله اللي عين ربه تهمه

في دار ابومشعل ملاذي كحيلان
دارٍ ثراها مد كفه يعمه

شعوبكم في ظلكم ربعٍ واخوان
الله يديم الحب والله يتمه

وترى السعودي من هنيا إلى عمان
هذا ولد خاله وهذا ابن عمه

محمد بن حمد

المصدر: الملتقى الجماهيري للشاعر محمد بن فطيس المري