ترَى الكِبد فَاحت

ترَى الكِبد فَاحت

البارحه ربي كتب لي ومريت=درب ٍ عليه بروق الاحباب لاحت
جيت المكان اللي جمعنا وخفيت= وقامت جروحي للجوارح وصاحت
يا ليتني في لفة الدرب زليت=كان العيون من الدموع استراحت
اللتم غيم الدمع من يوم لفيت=وورقا القصيد لشوفة الغيم ناحت
و ضحكت ما ابغي الناس تدري يبالفيت=لكنها غصب ٍ على العين ساحت
حارت دموعي في عيوني وصديت=وارمشت ابيها ماتبيّن... وطاحت
وعقبه برق فالعين براق واسقيت=خدي ووناتي بصدري تلاحت
وانا احسب اني في فراقه تعافيت=وان عبرتي من مدخل الزاد زاحت
اللي يحسب اني على البعد سجيت=والا ان عيوني للرقاد استباحت
ياليتني من قبل لا احبه اقفيت =والا ان دروبي عن دروبه تناحت
اهون علي من البكا والتناهيت=واشلا من سدود ٍ على الناس باحت
عرفت كيف الحي يفرق عن الميت=وعرفت قيمة نعمتي يوم راحت
قولوا له اني عقب بعده تدانيت=ورجلي عن دروب المعافين شاحت
البعد نار وطاعة العذل كبريت=يقصر على بعده... ترى الكبد فاحت

محمد بن حمد

المصدر: الملتقى الجماهيري للشاعر محمد بن فطيس المري