اخونـك

اخونـك

السـلام عليكم ورحمــه الله وبركــاته

وبعد اقدم لكـم القصيده

بافراق فراقك وباخنق عبرتي
واجرح اضمادي واسافر لك معك
بشد للماضي واقدم ساعتي
واعاند اعنادي واقودك واتبعك
باجامل احزاني واجافي فرحتي
واعادي خلاني واحبك واخدعك
بصير انا طبعك وانتي طيبتي
وبيحزنك ضحكي..وهلي بمدمعك
بسامر دموعي واعزي ضحكتي
وبهدي انا ضلالي..ضلال ياسعك
بلبس انا ذلك.. وقيسي عزتي
وبتصيري ذنوبي وخيري بيطبعك
باحارب في ضعفي وافر في قوتي
والى رضختيلي لموتي بادفعك
ولجل القاء بارحل وتمضي رحلتي
والى حصل شوفك بكون مودعك
اببعد واوصلك وبسبق خطوتي
وبانثرك فيني وانسى اجمعك
بضم أنا هجرك في قربك وحدتي
وتدلك عيوني وقلبي مضيعك
واذا اضلمت دنياي بطفي شمعتي
واذا كثر زادي بجوع وبشبعك
شردتي رقادي وسمعتي نضرتي
وغمضت أنا عيوني لجل ما اسمعك
صرخت في سكوتي ولمستي صرختي
وقربتي وجهك لي لجل ما اصفعك
عند الحزن تثقل خطاكي دنيتي
وعند الفرح قالت خطاكي مسرعك
قصيدتي يكفي..غبية كذبتي
حبيبتي آسف بخونك ..بس معك

وسلامتــكمـ

المصدر: الملتقى الجماهيري للشاعر محمد بن فطيس المري