كـل طـيرن لا قـوى ريشـه يـطـير ..

كـل طـيرن لا قـوى ريشـه يـطـير ..

السلام عليكم ,,, رجعنا لكم بعد انقطاع وذلك بسبب المعسكر ,, في هالابيات وهي على البحر السامري وان شاءالله تنال استحسانكم

يـآ حبيبه .. لا تعيـديـن النّـظـر = كمّـلي مشـوآر جرحتس للاخـير
والعذر قطّيـه في غب البحر = ما يسد الجوع من عذره فقير
الغلا لا مات ما يحييـه كر = والعصا ما عوّضَت شوف الضرير
قِـدْ دفنت الحب واطميت القبر = ولا بقى لتس لا نياق ولا بعير
كم نهيتس عن طواريق الغدر = وكلمة العاقل يطنّـشْها صغير
ولا حشى ما وسّـع فتوق الصدر = كود شوفة من على دمعي يشير
ما تواريتي ورى قشْع وشجَر = قبل جرحتس تلحِقينه جرح غير
ولا عرفت اللي رماني في حجر = ولا تمكّن بالحشا شـيّـن خطير
يا حبيبـه .. صار لي مدّة شهر = بين حظّـن ماش والوقت المرير
وان ذكرتس في مكانن او خَبَـر = وقْفَـتْ الساعه وعيّـت لا تسير
لا تلوميني وانا مثلتس بشـر = في عيوني من عنا الوقت الكثير
وعش قلبي لا سكنتي به دهر = كل طيرن لا قوى ريشه يطير
يـآ حبيبه .. لا تعيـدين النّـظـر = كمّـلي مشـوآر جرحتس للاخـير
ولاانتهيتـي .. روّحي من غير شر = والرجا باللي على العالم خبير

المصدر: الملتقى الجماهيري للشاعر محمد بن فطيس المري