يا مرحبا ياللي على البعد ناديت - ومية هلا مني والاخرى قفتها

يا مرحبا ياللي على البعد ناديت - ومية هلا مني والاخرى قفتها

يا مرحبا ياللي على البعد ناديت ---ومية هلا مني والاخرى قفتها
جاوبت باسماك العزيزه ولبيت ---وروحي لروحك بالهوا رايمتها
انا الذي لك بالموده تلاجيت ---روح تبي روح وهي مالكتها
وتفتحن ازهور قلبي وهليت ---وعيني تراعي عشقة عاشقتها
القلب يا وضاح الانياب تليت ---وردون ثوبي عبرتي غرقتها
بسفك الدموع وبالتجلد تلهيت ---فاخت وعبرات بصدري حدتها
إلى بكت عيني ذكرتك وونيت ---ودنياي من فرقاك ضاقت سعتها
وان غبت يا مظنون عيني وصديت ---قلت الفراق وغيبتك مغضبتها
اكره إلى قفيت وافرح إلى جيت ---وعندك خبر نفس تعرف اشفقتها
ياما لشوفك يا حبيبي تعنيت ---وكم خطوة للقاك رجلي خطتها
ان شفت غيرك صدت النفس واغضيت ---وناس تبي لاماي غيره عصتها
حبك بقلبي هزني واستخفيت ---وجنات عطفك فرحتي غاديتها
انا على ذكراك عشت وتغذيت ---وهواجسي فرحاتنا ما نستها
اقسمت لك باللي فرض حجة البيت ---ان العهود اسنيننا ما خلفتها
ليتك يابو تركي بعينك تحليت ---شقر القرون الناعمه ناقضتها
روحي معه تقعد إلى غبت وابطيت---وروحه على ما تشتهي عاسرتها

الشاعر المرحوم : محمد السديري

المصدر: الملتقى الجماهيري للشاعر محمد بن فطيس المري