والحب بيتٍ فيه روحي تربّت= تسرح وتمرح ماكنه في قراره

والحب بيتٍ فيه روحي تربّت= تسرح وتمرح ماكنه في قراره

لا تسألين النار وشلون شبّت

تبدى لواهيب الجمر من شراره

ولا تسألين الريح وشلون هبّت

وليه القمر متمسكن في مداره

السيل لا مر الاراضين نبّت

كل السهول اللى قصدها مساره

والعلم في كل الميادين ثبّث

عمدان قوم فاقدين الحضاره

والحب بيتٍ فيه روحي تربّت

تسرح وتمرح ماكنه في قراره

ليتك سألتي وين الاشواق غبّت

وين الهوى اللى ما بقى الا اثاره

دبّت ظنون الشك في الجوف دبّت

والصدر منها قد تصدع جداره

جبّت جناح الوصل غيبتك جبّت

واستل على حبي جفاكم ستاره

وين الهنوف اللى من القلب حبّت

مات الهوى ولا نوت لستخاره

وين العيون اللى لها العين لبّت

يامن يبشرني وسوق البشاره

تبقى الحقايق بينه لو تخبّت

وانا على عهد الوفى بنتظاره

من بادي الوقت
(نايف النايف)

المصدر: الملتقى الجماهيري للشاعر محمد بن فطيس المري