أعضاء المنتدى في طلعة بر ........... قــــــــــصة

أعضاء المنتدى في طلعة بر ........... قــــــــــصة

مثل ما شفتوا في العنوان الأعضاء في طلعة بر ........ نستهلها .... ببسم الله الرحمن الرحيم .......
انطلقت الفرقه في الصباح الباكر .. واللي كان يسوق الموتر ( أبو مشاري )
لكن الله يهدية ... السرعه 80 ... مدري .... قلة خبرة في السواقه .... ولا خوف على الركاب ( يا عيني عليه)
المهم ... كنا نستمع للشريط مثل ما تعرفون .... سيارة أبومشاري .... ما فيها CD وكانت شيلات وفي نص الطريق ....... اخترب المسجل ........ ايش السالفه ......... "مدري".... شكلها عين "قولوا ما شاء الله"
السياره باقي جديده موديلها "88" يعني ما حولها تخترب ....... المهم ... قام "محمد الوريكي" قال خلونا من المسجل بأسمعكم شيء طيب .... واعطانا من القصائد الزينة .... صح صوته حلو ... بس غثنا طول الطريق ما سكت
عاد اللي زاد الطين بله ..... قام فهد الهباش ..... وقال مسكت معي محاورة ... من اللي بتحداني
عاد .. ما قمن محمد الوريكي وقال أفا وضرب على صدره وقال أنا موجود ..... بأمسك معك خط ... عاد من الطفش قمنا حن نردد وراهم .....وش تبغونا نساوي
ما عدا ..... علمتني الحياة ...... ما كانت في الفورما ..... كانت سرحانه ومعها الدفتر تكتب شكلها
مسكت معها إلا تكتب خاطرة ...... أعطيناها جوها ..... وأبو مشاري .. مستانس حيل ويهز براسه
وكل مرة يقول خلوها
وأما الراكب اللي كان حوله فأخونا ... قاصد كريم ...... كان مسوي عصبة ولابس الجنبية .... مدري شكلها مسكت معه غلط ... بس كانت لايقه عليه
فجأة ... مسك أخونا أبومشاري البريك من قوتها دخلنا كلنا معه
إلا قولته لنا ...... الحمدلله عالسلامه .... وصلنا أبشركم .... وكل واحد منا قام يتأكد وجهه رجع مكانه ولا لا ... اغتفصت الوجيه ....... يعني تغيرت ملامحها ..إلي صقع في المرتبة
والي في القزاز واللي في الدراكسون ......... حالة
المهم نزلنا من السيارة ... إلا وذاك اللي توه صحي وهو "FAHAD" أصله صحي وحصل نفسه ماسك الدركسون وهو مو فاهم وش السالفه ... نوم العوافي حبيبي
صح النوم ... جزاء لك ولامثالك قم انصب الخيمة .. طبعا أبومشاري إلي يقوله مو أنا
بس ما قصر .... يعجبكم ..شمر الثوب .. معليش أصل الولد رياضي يعني جاي بملابسه الرياضيه
طلعة بر.. يعني من حقه ....
عاد بنت الجنوب ... شكلها ما قمنت أنحن وصلناعلى طول شافتلها أقرب شجرة وجلست تحتها تقرا
"شكلها جايبه المكتبة كلها معها " وفي أثناء ما حن نرتب إلا "والعنيده" خذت السكتون الناري
وقالت عن إذنكم أنا بروح اصطاد كم من أرنب ...... الظاهر انها ما تبغى تشتغل .... فقالت ما معي إلا ذا التصريفه ..
نرجع لأخونا "FAHAD" زي ما ذكرتلكم الولد ما قصر "خلص الخيمه " عاد بعدها نزلنا الطلي
على أنحن نسوي قرعه من اللي بيذبح الطلي مع السلخ
إلا ..... والماس ... قايله ازهلوها خلوها علي ...... عز الله .... لو درى الطلي كان فرك (يعني حاول يهرب) عاد ..... مسكت الطلي واستقبلت القبله وعندي احساس إن الطلي يقول "أنا وش سويت بحياتي"
عاد من العجلة ذبحته بسكين الخضره .... عزالله هذي أولها .... المهم .. بعد نص ساعه جابت الذبيحه... أبشركم إنها خلصت
"لاكن ... فيها شوفه طالعه علينا تقولون كأنها من مصاصي الدماء .... الدميان في كل حته"
يالله سترك ....
وفي أثناء ما كنا نسولف أنا وأبومشاري وفهد الهباش وقاصد كريم ورائد العصيمي
كانت الملاك الحنون تسوي شاهي .... وبنت برقا عاد خبره في الأكل خذت اللحم وتبغى تسوي مقلقل
إلا وهي تصيح .... help me >>>> help me ...... سلامات .... سلامات .. قالت نسينا ما جبنا الفحم .. عاد راح قاصد كريم وخذا السياره
عشان يجيب كيس الفحم .. المهم ..... شغل السياره وحرك ... لاكن المصيبة
إن FAHAD ربط الحبل بتاع الخيمه في السياره في الشكمان ( يا عيني والتمسيكه ) وأول ما حرك قاصد إلا والخيمه على روسنا عاد ما صدقت "سلطانه" الا وتاخذلنا كم صوره كانت ناويه
تسويلنا مقطع عالمونتاج .. لا عاد .. وش شغلتها في الطلعه إلا التصوير .....
المهم .. خلصت الملاك الحنون من الشاهي وقدمتها لنا إلا وينقزلك ... فهد هباش .. ورائد العصيمي وين القهوة ...
أخلعوا المسكينه ... قالت ما أعرف أسوي قهوة .... عاد تضارب فهد هباش ورائد العصيمي من يسوي القهوة
قام فهد الهباش وطلق بالثلاث .....( يا دافع البلا ... تهور الرجال )...... إن ما يسويها إلا هو ما قمن .... رائد العصيمي .... وقال تم
وقامت أيضا غرام نجد تساعد .. بنت برقا .. وسوت لنا حلى عاد لا تسألوني ويش اسم الحلى ..... لأني بصراحه ما عرفته اسمه طويل وصعب ..... لاكن طعمه حلو ....
أفطرنا واللي عليه بالخير ...... الحميع كان موجود
بس الله يهديها بنت برقا ....... زودت الفلفل عالفطور شكلها كانت ناويه علينا ..... طبعا جونا الدفعه الثانية . .. عاد مدري ايش اللي أخرهم مدري ..... انفقع عليهم الكفر ..... تاهوا
أفطروا قبلنا ..... ما هي بعيده عنهم ...... يسوونها
نزلوا من السيارة وهم ( رمق ... فطيسه ... الفلوة ... وضوح .. عاد السواق كان المالكي .... ياهو هبلبهم
نزلزا قد دموعهم أربع أربع والأرجل تتنافض .... أخونا في الله يحسبنه الحاله
كان ماشي الطبلون كله ولو كان يقدر كان خلاها تفر مره ثانية ......وكان الراكب عاليمين الأخ عابر
عاد لا تسألوني كيف كان ..... كان ........ حبيبنا متمسك بالمرتبه حتى يوم نزلوا ما رضي يفكها
الله يهديك يا ... المالكي .... وشو مسوي شكله متأثر بافلام الأكشن ..... عاد نزلوا من السياره
وجاء وقت الظهرية
قامت رمق وفطيسه .... وطبخوا الغداء ليتهم ما سووا الغدا ...... أحرقوه علينا .... لاكن من الجوع كلينا وقامت الفلوة .... وسوت لنا شاهي ...... بس كان آآآآآآآآخر حلاوة
وين آآآآآآآخر حلاوة ..... ما عادهو شاهي قدهو شيره ...... عاد برضه شربناه
يعني وش تتوقعون تكون الرحلة .......اذا ما صار فيه إصابات بسبب الأكل ....... ما هي طلعة ... عاد قامت وضوح
وقالت أنا بأطلع أساعد العنيده ........ بالعربي ما لها نية تسوي أي حاجه
تبغى تكون ضيفة شرف ..... المهم ...... رتبنا الأغراض ونظفنا المكان ( النظافه من اللإيمان ) وشدينا ...... هذا كل تفاصيل الرحلة ....
بصراحة القصة خيالية ولاكن حبيت إني أطلع بشي جديد فطرت على بالي هذي الفكره
وأعتذر من جميع الأعضاء اللي موجودين في القصه
مجرد حبينا يكون فيه شوية مرح ........ أدري بتقولون وين مكانك من الإعراب أقول بصراحه كنت انا اللي اكتب القصه......
أعتذر مره أخرى اذا غلطت على أي أحد ولاكن من باب الأخوه
تقبلوا تحياتي
بقلمي
عــــــــ المستحيل ـــــــــاشق

المصدر: الملتقى الجماهيري للشاعر محمد بن فطيس المري